CRISTIANO KAUSAYNINCHIS

Chaupi semana juñunakuypaq mosoq yanapay

Enero 2018 watamantapachan chaupi semana juñunakuykunapi rijurimunqa astawan yachanapaq willakuykuna, fotokuna, videokuna ima. Chaykunaqa internetpi kaq Traducción del Nuevo Mundo de las Santas Escrituras (nwtsty) nisqamantan orqokunqa, rimasqayki simipi manaraq kanchu chaypas. Chayqa kusatan yanapasunki juñunakuykunapaq preparakusqaykipi, jinallataq astawan munakuq taytanchis Jehová Diosman qayllaykunki.

YACHANAPAQ WILLAKUY

Yachanapaq willakuykunaqa versiculokunaq willasqan llaqtakunamanta, lugarkunamanta, juj simikunamanta iman riman.

Mateo 12:20

Q’osñishaq mecha: Wasikunapi utilizasqanku mecherokunaqa t’urumanta ruwasqan karan, chaymanmi oliva aceiteta junt’achiqku. Aceiteqa linomanta ruwasqa mechanta otaq pabilonta seqaspan ninata raurachiq. Griego simipi ‘q’osñishaq mecha’ nispaqa yaqapaschá rimashan mechaq ninan chayraq apagakushaqtin otaq apagasqaña kasqanmanta. Isaías 42:3 profeciaq nisqanman jina, Jesusqa khuyapayakuqmi kanan karan, payqa manan apaganmanchu pisichasqa, humilde runakunaq suyakuyninta.

Mateo 26:13

Cheqaqtapuni: Amén griego simipi, chayqa hebreopi amén simimantan jamun; t’ijrakuntaq “ajina kachun” otaq “seguro” nispa. Jesusqa chay simitan utilizallaqpuni juj willakuyta, promesata otaq profeciata willayta qallarinanpaq. Chhaynapin rikuchiq rimasqanqa confianapaq jina cheqaq kasqanta. Chay significadowan Jesuspa rimasqan “cheqaqtapuni” simiqa, manas comunchu religioso qelqakunapi. Evangelio Juan librontinpin rijurin amén simi iskay kutita, chhaynatan Jesús niq, rimasqan simikuna confianapaq jinapuni otaq cheqaqpuni kasqanta rikuchinanpaq (Juan 1:51).

FOTOKUNA, VIDEOKUNA

Fotokuna, dibujokuna, mana sonidoyoq videokuna iman rikuchin Bibliapi rijuriq willakuykunata.

Betfagué, Olivos orqo, Jerusalén

Kay videon pisillapi rikuchishan inti lloqsimuy ladomanta Jerusalenman chayana ñanta. Chay ñanqa kay tiempopi et-Tur llaqtamanta Olivos orqokaman rishan, et-Tur llaqtaqa Jesuspa tiempopi kaq Betfagué territoriopin tarikunman karan. Betania llaqtaqa Betfagué llaqtaq inti lloqsimuy ladonpin tarikun, Olivos orqoq inti lloqsimuy kinray ladonpi. Jerusalenman rispan Jesusqa discipulonkunawan Betaniapi alojakuq. Kunanqa chaypin tarikun el-Ázariyeh (El Éizariya) llaqta. Chay sutiqa árabe simipi “Lazaroq tiyasqan lugar” ninanmi. Jesusqa Marta, María, Lazaroq wasinpichá alojakuq (Mat. 21:17; Mar. 11:11; Luc. 21:37; Juan 11:1). Chaymanta Jerusalenman viajaspaqa, yaqapaschá videopi rikukusqan chay lado ñanninta puriq. 33 wata 9 nisanpi Jesús malta asnopi Betfagué llaqtamanta Olivos orqonta Jerusalenman rispaqa yaqapaschá chay ñanninta riran.

Betaniamanta Betfagué llaqtaman riq ñan
Betfagué
Olivos orqo
Cedrón wayq’o
Temploq kasqan orqo

Talón tulluman clavoq jaykusqan

Kay fotopin rikukun talonpi tulluman juj clavoq jaykusqan, clavoqa largonmanmi 11.5 centímetros karan. Chaytan arqueologokuna pampata jasp’ispa tariranku 1968 watapi, Jerusalén llaqtaq wichay ladonpi; romanokunaq tiemponmantaraqmi kasqa. Chaymi rikuchin runata k’aspiman warkuspa wañuchinankupaq clavokunata utilizasqankuta. Yaqapaschá Jesusta clavanankupaq Roma soldadokunaq utilizasqanku clavokuna jina karan. Ch’aki tullukunata waqaychasqanku rumimanta ruwasqa cajapin tariranku. Chay tarisqankun rikuchin k’aspipi wañuchisqanku ayakunata p’ampapuy atisqankuta (Mat. 27:35).