LECCION 1

Allinta preparakuy rimayta qallarinaykipaq

Hechos 17:22

Tukuy atencionwan uyarinankupaq jinan rimayta qallarinayki, sut’itataqmi willanayki imamantachus rimanki chayta.

Uyarinankupaq jina rimay. Juj tapuywanmi qallariwaq, juj experienciata, juj noticiata otaq imachus uyariqniykiman interesasqanmantan willawaq.

Ñaupaqmantañan qhawarinayki imamantas uyariqkuna yachayta munanku otaq preocupakunku chayta, jinaspa chaykunamanta rimaspa qallariwaq.
Sut’ita willay imamantas rimanki chayta. Rimayta qallarishaspaqa sut’itan uyariqkunaman entiendechinayki imamantas rimanki chayta, chay yachachisqayki imaynatas vidankupi yanapanqa chaytapas.
Reparachiy yachachisqayki tema importante kasqanta. Imapichus uyariqkuna yanapanata necesitashanku chayman jinan rimanayki. Paykunaqa reparanankun yachachisqayki vidankupi yanapananta.

Discursota preparakushaspa tapukuy: “¿Ima pruebakunapin iñiq t’aqaypi hermanokuna tarikushanku?”, nispa. Jinaspa chayman jina rimayta qallarinaykipaq preparay.