LECCIÓN 2

Rimasqaykiman jinalla rimay

2 Corintios 2:17

Rimasqaykiman jinallan rimanayki ichaqa sonqomanta. Chhaynapin uyariqkuna reparanqaku paykunapi interesakusqaykita, tukuy sonqomanta rimasqaykitapas.

Diosmanta mañakuy, allintataq preparakuy. Allinta preparakunaykipaq Diospa yanapayninta mañakuy, chhaynapin mana nerviosochu kanki. Allintan yachanayki ima yachachikuykunatachus entiendechiyta munanki chayta. Ama leeychu aswanpas entiendesqaykiman jina explicay.

Sichus Bibliata otaq juj qelqanchista leenki chayqa, ñaupaqtaqa entiendenaykin imachus nisqanta, chhaynapin ch’uyata leenki. Jujpa rimasqan parteta leenki chayqa, paypas rimashanman jinatan leenayki.
Sonqomanta rimay. Ñaupaqtan piensanayki imarayku yachachisqayki importante kasqanta. Chhaynapin uyaykiwan makiykiwan rimaspa chayta rikuchinki.

Sonqomanta rimayqa manan comunta rimaychu. Palabrakunata allinta t’ojachiy, imayna rimanata jinataq rimay.
Uyariqniykikunata qhawaspa rimay. Sichus tiyasqayki llaqtapi allinpaq qhawarinku uyanta qhawaspa rimayta chayqa, chaytan ruwanayki. Discursota qoshanki chayqa, llapankuta qhawanaykimantaqa jujninta qhawariy, chaymanta jujtañataq.