BIBLIAPI QORI JINA YACHACHIKUYKUNA | GÉNESIS 9-11
‘Kay pachapiqa ch’ulla simillatan rimakuran’
Babel llaqtapin Jehová Diosqa mana kasukuq runakunata ch’eqerichiran rimasqanku simita pantachispa. Kunan tiempopin ichaqa juñushan mana yupay atina ancha askha runakunata lliu nacionkunamanta, rimaykunamanta. Paykunaq ‘sonqonta [rimayninta] mosoqyachishan’ llapallan juj nisqalla Diosta servinankupaq (Sof. 3:9; Apo. 7:9). Chay mosoqyachisqa rimayqa Jehová Diosmanta, imakuna ruwananmantawan Bibliaq willasqanmi.
Juj simita yachananchispaqqa manan imayna rimakusqallantachu yachananchis, aswanpas jujniraymanta piensaspan rimananchis. Ajinallataqmi Diospa munayninmanta yachaypas, yuyayninchistan cambiananchis Diospa munayninman jina (Rom. 12:2). Ajinapin pisi-pisimanta Diospa llaqtan aswan jujllachasqa kapun (1 Cor. 1:10).