LECCIÓN 19

Sonqonkuman chayananpaq jina yachachiy

Proverbios 3:1

Uyariqkunata yanapay yachasqankuta anchata valoranankupaq kasukunankupaqpas.

Uyariqkunata piensachiy imaraykuchus imatapas ruwasqankupi. Chaypaqqa tapuykunatan ruwawaq imachus sientesqankuta reparachinaykipaq.
Kallpachay allin kaqta ruwanankupaq. Uyariqkunatan yanapanayki Jehová Diosta, runamasinkuta, Bibliapi kaq yachachikuykunata munakusqankurayku allin kaqta ruwanankupaq. Reparanankutaqmi Bibliaq yachachisqan allinninkupaq kasqanta, manataqmi imachus ruwanallankutachu willanayki, aswanpas kallpachanaykin chayta ruwanankupaq. Yachachisqayki qhepamanqa uyariqkunaqa manan malchu sientekunanku, aswanpas kallpachasqan sientekunanku.
Jehová Dios imayna kasqanta rikuchiy. Bibliamanta yachachikuykunata kamachikuykunatapas willashaspan rikuchinayki Jehová Dios imayna kasqanta, anchata munakuwasqanchistapas. Yanapanaykitaq Diosta munakunankupaq, chhaynapin mana llakichiyta munanqakuchu, aswanpas kusichiytan munanqaku.

Manan kayta qonqanaykichu: Jehová Diosmi runakunataqa llaqtanman pusamun. Chaymi Bibliawanpuni yachachinayki allin kaqta ruwanankupaq.