Sumaq sonqo kay

Jesuspa imachus ruwasqan

VIDEO: Ñausa runata Jesús qhaliyachin

1. VIDEOTA qhaway otaq leey Juan 9:​1-7 textota. Jinaspa qatimuq tapuykunapi yuyaymanay:

1. ¿Imatan Jesús ñaupaqta ruwarqan? ¿Qhaliyachirqanchu icha Bibliamantaraqchu rimapayarqan? (Qhaway Juan 9:​35-38).

2. ¿Imaraykun chay runa Jesuspa rimapayasqanta uyarikuyta munarqan?

¿Imatan yachasunman Jesuspa imayna yachachisqanmanta?

2. Uyariqninchis runa reparanqa paymanta llakikusqanchista chayqa, yaqapaschá astawan uyarikuyta munanqa.

Jesuspa ruwasqanta jina ruway

3. Uyariqniyki runapas kawaq jinata yuyaykuy. Imaynas uyariqniyki kashanman chaypi piensay.

1. Tapukuy: “¿Imakunan llakichishanman? ¿Imamantan yachayta munanman otaq iman payta yanapanman?”, nispa. Chaykunapi piensaymi yanapasunki sumaq sonqowan rimasqaykiman jinalla rimapayanaykipaq.

2. Makilla uyariy imatachus willashasunki chayta, chhaynapin rikuchinki imachus payta llakichishan chaymanta qanpas llakikusqaykita. Sichus uyariqniyki willasunki imayna kashasqanta ima problemantapas chayqa, ama wajkunamanta rimaychu.

4. Sumaqllata respetowan rimay. Jujkunata khuyapayaspa yanapaytapuni munasqanchisqa imayna rimasqanchispin reparakun. Chhaynaqa allinta yuyaykuy imachus rimanaykita imaynatachus rimanaykitapas. Ama phiñachinaykipaq jinaqa imatapas niychu.

5. Yanapanata necesitaqtinqa yanapay. Uyariqniykita yanapayta atishaspaqa yanapaykuy. Sumaq sonqo kasqanchista reparaspaqa yaqapaschá noqanchiswan rimayta munanqa.