Diospaq junt’aq sonqo kasun

1. Junt’aq sonqo Diospaq kasun,

paypaq jinan kananchis.

Paypa simin qelqawanmi

yanapachikunanchis.

Diospa kamachikuyninmi

kusikuyta qowasun.

Chay jinaqa tukuy sonqo

payman jap’ipakusun.

2. Junt’aq sonqo kallasuntaq

iñiqmasinchispaqpas.

Siminchiswan kallpachasun

ñaupaqllaman rinanpaq.

Allin kaqta ruwapusun

kallpachasqa kananpaq.

Chay jinapin llapanchispas

jujllachasqa kausasun.

3. Tukuy sonqo kasukusun

michiqninchiskunata.

Paykunallan pusawasun

Jehová Diospa ñanninta.

Junt’aq sonqo kasun chayqa,

Diosmi pusariwasun.

Tukuy tiempon munakuywan

payqa uywakuwasun.