¿Necesariochu wakmanta nacey?

JESUSMI Nicodemota niran wakmanta nacey ancha importante kasqanta.

Paymi niran: “Pipas Diospa qhapaqsuyunpi kananpaqqa wakmantan nacenan”, nispa (Juan 3:3). Chay nisqanqa khaynatan Griego rimaymanta t’ikrakullanmantaq: “Pipas mana wakmanta naceqqa manapunin Diospa gobiernonman haykunmanchu”, nispa. “Manapunin” nispa nisqanwanmi rikuchisharan ‘Diospa qhapaqsuyunman’ haykunapaqqa wakmanta nacey necesariopuni kasqanta. Chayta allinta entiendenapaqmi Intimanta illarimuymantawan rimasun. Sichus pipas ninman: “Inti mana lloqsimuqtinqa manapunin illarimunmanchu”, nispa chayqa, ¿imatan chaywan nishan? Chaywanmi nishan illarimunanpaqqa Intiq k’anchaynin necesariopuni kasqanta.

Chaymanta Jesús nillarantaq: “Wakmantan nacenaykichispuni”, nispa (Juan 3:7). Chay nisqanwanmi yachallanchistaq “Diospa qhapaqsuyunpi” kanapaqqa wakmanta nacey ancha importantepuni kasqanta (Juan 3:5).

Jesuspa nisqan hina, ancha importanten wakmanta naceyqa, chayraykun allinta yachananchis imachus chay kasqanta. Chaymi tapukusunman: “¿Sapankanchischu akllakusunman wakmanta nacenapaq?” nispa.

[5 paginapi willakuy]

“Inti mana lloqsimuqtinqa manapunin illarimunmanchu”