BIBLIAMANTA TAPUKUYKUNA

¿Pitaq Saqratari kamarqan?

Diosqa manan Saqratachu kamarqan. Aswanpas huk angeltan kamarqan, qhepamanña Saqraman otaq Satanasman tukupurqan. Jesusqa willarqanmi chay angelmanta ñawpaqpi manan llullachu nitaq wañuchiqpas kasqanta. Payqa Diospa chanin angelninmi karqan. (Leey Juan 8:44.)

¿Imaynapitaq chay angelri millayman tukupurqan?

Saqraman tukupuq angelqa Dios contra kananpaqmi decidikurqan hinaspan Adanta Evatawan kallpacharqan paywan kuska Dios contra hatarinanpaq. Pay kikinmi Satanás kananpaq decidikurqan, chay simiqa “Contrapi churakuq” ninanmi. (Leey Génesis 3:1-5; Apocalipsis 12:9.)

Imaynan chay Saqraman tukupuq angelpas akllakuyta atirqan allin kaqta mana allin kaqta, chay hinallataqmi huk angelkunapas akllakuyta atirqanku. Chay angelqa Dios hina yupaychasqa kaytan munarqan, chay munapayasqanmi tanqarqan Diosta mana kasukunanpaq. (Leey Mateo 4:8, 9; Santiago 1:13, 14.)

¿Imatan Saqra ruwarqan runakuna Dios contra kananpaq? ¿Manchakunanchischu? Chay tapuykunaq kutichiyninta Bibliapi tarinki.