¿Ima ninmi Biblia?

¿Pin Saqra?

¿IMA NINKIN? ¿Saqra...

• ... espirituchu?

• ... ukhunchispi mana allin kaqchu?

• ... icha, cuentopi jina rimayllachu?

BIBLIAN NIN

Saqraqa Jesuswanmi rimaran, tentarantaqmi mana kasukunanpaq (Mateo 4:1-4). Manan cuentopi jina rimayllachu, nitaqmi ukhunchispi mana allin kaqpaschu. Saqraqa cheqaqmi, mana allinkunatan ruwan.

¿IMATAWANMI BIBLIA NIN?

• Saqraqa juj allin angelmi karan, ichaqa ‘cheqaq-kaymi paypi mana karanchu’ (Juan 8:44). Llullamanmi tukupuran, Dios contrataq jatariran.

• Juj angelkunapas Satanaswanmi Dios contra jatariranku (Apocalipsis 12:9).

• Saqraqa runakunatan creechin: “Saqraqa manan kanchu”, nispa (2 Corintios 4:4).

¿Saqra atinchu runakuna controlayta?

WAKIN RUNAKUNAN NINKU “chayqa cuenton” nispa, wakintaqmi manchakunku Saqra paykunapi kananta. Qanri, ¿ima ninkin?

BIBLIAN NIN

‘Lliu kay pachaqa saqraq munaychakusqanmi kashan’ (1 Juan 5:19). Saqraqa pantachinmi runakunata, ichaqa manan llapa runakunatachu controlayta atin.

¿IMATAWANMI BIBLIA NIN?

• Saqraqa runakunatan engañan (2 Corintios 11:14).

• Mayninpiqa supaykuna runakunata controlan (Mateo 12:22).

• Diospa yanapayninwanqa atiwaqmi Saqraq contranpi sayayta, paymanta librakuytapas (Santiago 4:7).