¿Ima ninmi Biblia?
¿Llapa runakunaq mañakusqantachu Dios uyarin?
NIWAQCHU DIOSQA UYARIN:
Llapankuqta
Wakinnillankuqta
Mana piqpatapas
BIBLIAN NIN
“Señor Diosqa [...] jayk’an cheqaq sonqowan wajakuqninkunaq qayllallanpin kashan” (Salmo 145:18).
¿IMATAWANMI BIBLIA NIN?
Diosqa manan uyarinchu yachashaspa payta mana kasukuqkunaq mañakusqantaqa (Isaías 1:15). Ichaqa sichus chay runakuna kausayninkuta cambianku chayqa, atinkumanmi Dioswan allinpi kayta (Isaías 1:18).
Oracionninchista Dios kutichimunanpaqqa, ima mañakusqanchispas Bibliapi kamachikuyninkunaman jinan kanan (1 Juan 5:14).
¿Imayna posicionpin Diosmanta mañakuna?
WAKIN RUNAKUNAN NINKU Diosmanta mañakunapaqqa qonqorikunan, umatan k’umuykuna otaq makitan cruzana nispa. Qanrí, ¿ima ninkitaq?
BIBLIAN NIN
Diosqa uyariranmi runakuna sayaspa, tiyaspa, qonqorikuspa otaq pampakama k’umuykuspa mañakuqkunata (Deuteronomio 9:18; 1 Crónicas 17:16; 2 Crónicas 30:27; Hechos 9:40). Payqa manan ninchu imayna posicionpi mañakunanchista.
¿IMATAWANMI BIBLIA NIN?
Diosqa humilde runakunatan uyarin (Salmo 138:6).
Diosmantaqa ima idiomapipas mañakusunmanmi, otaq sonqollanchispipas (2 Crónicas 6:32,33; Nehemías 2:1-6).