Runamasinchismanta manun kanchis
1 Apóstol Pabloqa hunt’aytapunin munaran runakunaman predicayta. Yacharanmi, Jehová Diosqa churinpa ancha chaniyoq sacrificionwan lliw runakunata qespichinanta (1 Tim. 2:3-6). Chaymi niran: “Llapallanmanmi willanay educadokunamanpas mana educadokunamanpas [“a griegos como a bárbaros”, NM], yachayniyoqkunamanpas mana yachayniyoqkunamanpas” nispa. Pabloqa mana samaspan llank’aran, allin willakuykunata runamasinman willayta munaspa (Rom. 1:14, 15).
2 Pablo hinan kunan tiempopi cristianokuna, maypi kaspapas willanchis runamasinchisman allin willakuykunata. ‘Manchay ñak’ariy’ p’unchay qayllaykamushanñataq chayqa, usqhayllan maskhananchis chanin sonqoyoq runakunata. Sonqonchispi runakunata munakusqanchismi kallpachawasun, mana sayk’uspa runakuna qespichiypi llank’ashanallapaq (Mat. 24:21; Eze. 33:8).
3 Manu kasqanchista hunt’asun. Allin willakuykunata runakunaman yachachinapaqqa, wasin wasintan predicana. Runakunata wasinkupi mana tarispaqa, direccionnintan allinta qelqana, kutinataqmi huk horakunapi (1 Cor. 10:33). Runamasinchisman predicaspaqa willasunmanmi llank’asqankupi, ñankunapi, parquekunapi, carrokunaq sayananpi, telefonopipas. Tapukusun: “¿Kallpachakushanichu maypi kaspapas kawsay qoq willayta, willanaypaq?” (Mat. 10:11).
4 Huk precursora munaran llaqtanpi lliw runakunaman predicayta. Mana predicasqan p’unchaymi rikurusqa huk wasiq chinpanpi carro sayashaqta, chay wasipiqa ventananpas wisq’asqallan kaq, manataqmi hayk’aqpas wasiyoqta tarirankuchu. Payqa manan pasapuranchu, aswanpas chay wasiq timbrenta ñit’iran. Huk runan lloqsimuran, chay visitasqanmantapachataq munaran chay hermana qosanwan kutimunankuta. Qhepamanqa Bibliata estudiapusqa, kunantaq bautizasqa hermanonchis kapun. Anchatan agradecen chay precursorata, predicaypi kallpachakusqanmanta.
5 Aswan pisillañan tiempo kashan, kunanmi runa masinchiswan manu kasqanchista hunt’ananchis, paykunaman predicaypi kallpachakuspa (2 Cor. 6:1, 2).