Wasipi mana pipas kaqtin
1. Wasin wasinta predicaspa, ¿imatan reparallanchispuni?
1 Askha llaqtakunapi manaña runakuna wasinkupi tarikunkuñachu. ‘Sasa tiempokunapi’ tarikusqanchisraykun runakunaqa sinchita llank’anku kawsanallankupaq (2 Tim. 3:1). Wakinqa wasinkupi mana tarikunkuchu rantiq lloqsisqankurayku otaq pukllaq lloqsisqankurayku. ¿Imaynatan paykunamanpas allin willakuykunata chayachisunman?
2. ¿Imatan ruwananchis wasipi mana pitapas tarispa?
2 Hunt’asqata qelqay: Wasin wasinta predicaspa huk wasipi mana pitapas tarispaqa chay wasiq direccionnintan qelqananchis. Chaytan astawanqa ruwananchis territorionchis huch’uylla kaqtin. Qelqananchismi calleq sutinta, territorioq numeronta, sutinchista, ima p’unchay kasqantapas. Ama llapan hojapichu qelqay, chhaynapi qanpas otaq huk publicadorpas kutispa astawan anotananpaq. Mana kutiyta atispaqa, predicayta tukuspa qelqasqayki hojata qonayki territoriomanta tarjetakunata hap’iq wayqeman. Bibliamanta yachay munaqta tarispaqa huk hojapin qelqanayki.
3. ¿Imata ruwasunman wasipi mana tarisqanchis runakunata tarinapaq?
3 Wasinkupi kasqanku horasta kutiy: Wakin runakunataqa mana tarinchischu llank’anankupi kasqankurayku, ichaqa tarisunmanmi tutankuna otaq semana tukuyta. ¿Kutiwaqchu wasinkupi kasqanku horasta? (1 Cor. 10:24.) Mana kutiyta atispaqa valekuy mayqen publicadortapas kutinanpaq. Otaq cartata qelqawaq telefonopipas waqyawaq. Onqosqa kaqtinku pisillata predicaq wayqe-panakunaqa kusisqan yanapasunkiman carta qelqaypi telefononta waqyaypipas.
4. ¿Ima willakuymi yachachiwanchis mana tarisqanchis runakunaman kutinapuni kasqanta?
4 Kay willakuymi yachachiwasun wasipi mana tarisqanchis runaman kutinapuni kasqanta. Wayqe-pananchiskunan kinsa wataña huk wasipi mana pitapas tarirankuchu, ichaqa chay qhepamanña chaypi tiyaq warmita tariranku. Chay warmiqa manaraq chay wasiman astakamushaspan Bibliamanta estudiayta qallarisqaña, chaymi ima hinallaña suyasharan Testigokunaq visitananta.
5. ¿Imaynapin yachawaq territorioyki llapanña predicasqa kasqanta?
5 Llapan territorioykita predicay: ¿Imaynapin yachawaq territorioyki llapanña predicasqa kasqanta? Sichus kallpachakuranki sapanka wasipi pillawanpas rimanaykipaq chayqa, tukunkiñan territorioyki predicayta. Wasipi mana pitapas tarispaqa saqewaqmi wasiq punkunpi tratadokunata otaq ñawpa revistakunata, astawanqa sichus chay territoriopi maynillan predicakuqtinqa. Territorioykitaqa tawa killallapin predicayta tukunayki. Chay qhepamantaq siervo de territorio nisqaman chay tarjetata qona, registro de territorio nisqata allinta aparinanpaq.
6. ¿Imaraykun territorionchispi llapan runakunaman allin willakuykunata predicananchis?
6 Munanchismi llapa runakuna Diospa sutinta waqyayta yachaspa qespichisqa kanankuta (Rom. 10:13, 14). Chayrayku wasipi mana tarisqanchis runakunamanpas kutinanchis. Apóstol Pablo hina kallpachakuy ‘Diospa khuyapayakuyninmanta allin willakuykunata willanaykipaq’ (Hech. 20:24).