Leeqkunaq Tapukusqan

¿Imaraykun Testigokunaq ruwamusqan qelqakunata videokunatapas mana churanachu internetpi juj direccionkunaman?

Diospa llaqtanpiqa gratistaq imapas chayqa, yaqapaschá pipas ninman: “Chhaynaqa allinchá kanman internetpi juj ladokunaman churayqa, ‘redes sociales’ nisqaman churaypas”, nispa. Chhaynata piensaqkunaqa chayta ruwaqkunapas manan kasukushankumanchu “Imatan ruwawaq imatan mana”a nisqapi willakuyta. Imaymana problemakunatataqmi apamunkumanpas. Chay willakuypi nisqan jinaqa “manan mayqen qelqamantapas dibujonkunata, fotonkunata, musicankunata, videonkunata jujkunatapas juj direccionpi churanaykichu (nitaq redes sociales nisqamanpas)”. Ichaqa, ¿imaraykun chaykunata prohibikun?

Internetpi llapa qelqanchiskunapas leypa nisqanman jinan cuidasqa kashan. Chayqa chhaynapunin kanan, ¿imarayku? 1) Manachus chhayna kanman chayqa apóstata runakuna, cheqnikuwaqninchis runakuna iman chaykunata internetpi may ladomanpas churankuman, chaywantaq Testigokunata engañankuman, chayman jaykuqkunatataq imaymanakunawan iskayachiyta qallarinkuman (Sal. 26:4; Prov. 22:5). 2) Manachus prohibikunman chayqa, negociante runakunan jw.org letrakunata, noqanchisman perteneceq juj letrakunatapas aplicacionkunaman, tabletkunaman, celularkunamanwan churaspa propagandakunata ruwankuman. Wakinqa ñan chayta ruwashankuña. Ichaqa leypa nisqanman jinataq chaykuna controlasqa kashan chayqa, derechonchispin kashanchis chaykunata denuncianapaq (Prov. 27:12). Ichaqa pitapas jinallata qhawasunman munasqanman jina chaykunata utilizananpaq chayqa, manapaschá faciltachu juezkunapas ima denuncia churasqanchistapas creewasunman.

Jw.org paginallamantan ima qelqanchistapas videotapas descargana. Jehová Diosqa ‘allin yuyayniyoq junt’aq kamachillawanmi’ llaqtanta alimentashan (Mat. 24:45). Chay kamachiqa “jw.org, tv.jw.org, wol.jw.org” nisqa paginakunallatan utilizan Diospa llaqtanta alimentananpaq. Chaymantapas “JW Language^®, JW Library^®, JW Library Sign Language^®” nisqa kinsantin aplicacionkunallan chay kamachiq ruwasqanqa kashan. Chay paginakunapas aplicacionkunapas limpion kashan propagandakunamanta Satanaspa ima yachachikuyninmantapas. Ichaqa juj paginakunamantachus otaq aplicacionkunamantachus Diosmanta ima yachachikuytapas descargasun chayqa, yaqapaschá q’ewisqa otaq Satanaspa venenasqan kashanman (Sal. 18:26; 19:8).

Internetpi ima qelqanchistapas otaq videotapas chaykunamanta jujkuna rimanankupaq jina churasun chayqa apóstata runakuna cheqnikuwaqninchis runakuna iman Diospa llaqtanmanta mana allinta rimayta qallarinkuman. Wakin hermanokunaqa chay runakunawan discutispan astawanraq Diospa sutinta pisichashanku. Internetpi chhaynata discutiyqa manan allinchu, manan chhayna formapichu ‘mana kasukuqkunataqa’ yanapakun (2 Tim. 2:23-25; 1 Tim. 6:3-5). Wakinqa organizacionninchispa sutinpi, umalliq t’aqamanta hermanokunaq sutinpi iman orqomushanku internetpi “redes sociales” nisqapipas “cuenta” nisqakunata. Ichaqa manan organizacionpapas ni mayqen hermanoqpas chaykunapiqa ima cuentanpas kanchu.

Runakunaq yuyayninta jw.org nisqa paginaman apaspaqa ‘allin willakuykunata’ yachananpaqmi yanapashanchis (Mat. 24:14). Usasqanchis paginakunapas aplicacionkunapas aswan mejormanraqmi tukushan. Maytachá munasunman lliu runapas chaywan yanapachikunanta. “Imatan ruwawaq imatan mana” nisqa willakuypi nisqan jina “atiwaqmi descargasqayki videokunata, uyarinapaq grabacionkunata, [‘enlace’ nisqakunata] qelqakunatapas jujkunaman mensajepi apachiyta”. Chhaynapin paykunata churanki ‘allin yuyayniyoq junt’aq kamachiq’ makinman. Chay kamachillan Diospa llaqtanta alimentananpaqqa churasqa kashan.