LECCIÓN 13
Panda religionhuanga ¿imata pasanga?
1. ¿Tucuilla religiongunachu ali can?
Tucui religiongunapimi ali shungu gentecuna tian. Paicunamandapash Diosca preocuparinmi. Cunanbica religionda catijcunaca nali ruraicunapimi chapurishca (2 Corintios 4:3, 4; 11:13-15). Huahuacunata violashcata, guerracunapi chapurishcatami noticiacunapica uyanchi. Ali shungu gentecunaca chaicunata uyashpami religionmandaca uyaitallapash na uyanayachin. Mateo 24:3-5, 11, 12, liipangui.
Ali religionga Jehová Diostami jatunyachin. Cutin panda religionga Diostami nalipi churan. Bibliapi nishcata na catishpami Diosmanda pandata yachachin. Gentecuna huañushpa ima tucujtapash nali intindichin. Diosca munanmi gentecuna paimanda ali yachajuchun. Ezequiel 18:4; 1 Timoteo 2:3-5, liipangui.
2. Panda religionhuanga ¿imata pasanga?
Diosta juyanchi nishpapash, nali ruraicunapi chapurijcunataca Diosca na ricunayachinllu (Santiago 4:4). Noepa tiempopi ninanda tamiashca jipami Babilonia llactapi panda religionga tiai callarirca. Chaimadami Bibliapica tucui panda religiongunata ‘Babilonia Jatun Pueblo’ nin. Pandata yachachij, gentecunata llaquichij religiongunataca ñallami Taita Diosca tucuchinga. Apocalipsis 17:1, 2, 5, 16, 17; 18:8, liipangui.
Bibliamanda ali intindichishpami panda religiongunamanda Diosca gentecunata llujchijun. Miqueas 4:2, 5, liipangui.
3. Ali shungu gentecunaca ¿imatata rurana can?
Ali religionga gentecuna cushilla, ali causachunmi ayudan
Diosmanda yachajungapaj munajcunata, alitalla rurangapaj munajcunataca Diosca alicachinmi. Chaimandami panda religionmanda llujshichun mañan. Gentecuna Diosta ciertopacha juyashpaca nali ruraicunata, panda religiondapash saquingami. Apocalipsis 18:4, liipangui.
Jesús huañushca jipaca, ali shungu gentecunaca Diospa Shimimanda apostolcuna yachachijpica alimi chasquirca. Jehovami chai gentecunataca ayudarca cushilla, ali causachun, imata ruranata yachachunbash. Ñucanchipashmi Jehová Diospa mandashcacunata cazushpa paipa munaitara pactachina canchi. 1 Tesalonicenses 1:8, 9; 2:13, liipangui.
Panda religionda saquishpa, ali religionda catijcunataca Diosca alimi chasquin. Paicunaca Jehovahuanmi amigo tucunga, Jehovata sirvijpurapash alimi llevaringa, para siempre causaitapash ushangami. ¿Chai bendiciongunata charingapaj munapanguichu? Mateo 19:29; 2 Corintios 6:17, 18, liipangui.
4. Cushilla, ali causai tiachunga ¿imatata Diosca ruranga?
Panda religionda Jehová tucuchijpimi mundo enteropica cushilla, ali causai tianga. Panda religión ña na pandachijujpimi gentecunaca Diostalla sirvinajunga. Chaica ¿nachu ali villaigu capan? Apocalipsis 18:20, 21; 21:3, 4, liipangui.