LECCIÓN 13
Panda religiongunaca ¿imashinata Jehová Diostaca nalipi quedachinajushca?
Jehová Diosca juyaj Diosmi can. Shinapash Taita Diosta adoranchi nij tucushca religiongunaca ashtaca nali cosascunatami rurashca. Cai panda religiongunaca paicunapa yachachishcacunahuan, ruraicunahuanmi Taita Diostaca nalipi quedachishca. Chaita ricushpaca ¿imashinashi Jehová Diosca sintirin? Chai religiongunahuanga ¿imatashi Jehová Diosca ruranga?
1. Panda religiongunaca ¿imashinata paicunapa yachachishcacunahuanga Jehová Diostaca nalipi quedachishca?
Panda religiongunaca ‘Taita Diospa cabal yachachishcacunata crinapa randica, llullacunatarami paicunaca crishpa’ catinajushca (Romanos 1:25). Por ejemplo, tauca religiongunaca Jehovapa shutitaca na yachachinllu. Shinapash Bibliapica, chai shutita utilizana cashcatami yachachin (Romanos 10:13, 14). Huaquin religiongunata ñaupaman pushajcunacarin imapash nalicuna pasajpica Taita Diospa voluntadmi can ninata yachan. Shinapash chaica shuj jatun llullami can. Jehová Diosca nalicunataca na ruranllu (Santiago 1:13, liipangui). Chai llullacunami Jehová Diospaman gentecuna quimirichunga na saquishca.
2. Panda religiongunaca ¿imashinata paicunapa ruraicunahuanga Jehová Diostaca nalipi quedachishca?
Panda religiongunaca na Jehová Dioshna juyaihuan gentecunataca tratanllu. Bibliapi nishcashnaca panda religiongunapa “pecadocunaca jahua cielocamanmi mirashca” (Apocalipsis 18:5). Panda religiongunaca ashtaca ashtaca huatacunatami politicapi, guerracunapi apoyashpa, ashtaca gentecunata huañuchichun saquishpa causashca. Chai religiongunata ñaupaman pushajcunaca charij charij cangapami paicunapa catijcunataca culquita cuchun obligan. Shina rurashpaca Jehová Diosta na rijsishcatami ricuchishca. Chaimi paicunaca Taita Diostami catinchi nina derechotapash na charinllu (1 Juan 4:8, liipangui).
3. Panda religiongunapa ruraicunata ricushpaca ¿imashinashi Jehová Diosca sintirin?
Panda religiongunapa nali ruraicunata ricushpaca talvez culirami sintiripangui. Jehová Diospashmi shinallata sintirin. Jehová Diosca gentecunataca ninandami juyan. Shinapash panda religiongunata ñaupaman pushajcuna Jehovata nalipi quedachijta, gentecunatapash nalipacha tratajta ricushpami paicunataca ricuitapacha na ricunayachin. Jehová Diosca ninmi panda religiongunataca tucuchishapachami, ‘nunca más na chai llactacunataca ricuringachu’ (Apocalipsis 18:21). Panda religiongunataca ñallami Jehová Diosca tucuchishpa saquinga (Apocalipsis 18:8).
ASHTAHUAN YACHAJUPASHUNCHI
Cunanga panda religiongunamanda Jehová Dios ima nijtami ricugripanchi. Shinallata chai religionguna imacunatalla rurashcatapashmi ricupashun. Y ultimopica, chaicunata ricushpapash Jehová Diosmanda yachajushpa catina cashcatami ricugripanchi.
4. Jehová Diosca na tucui religiongunatachu alicachin
Ashtacacunaca cashnami yuyan: religiongunaca Taita Diospaman quimirichun ayudaj shuj ñan cuendallami can ninmi. Shinapash ¿chaica ciertochu can? Mateo 7:13 y 14ta liishpa, cai tapuita contestapangui:
Para siempre causaiman apaj ñanmandaca ¿imatata Bibliapica nin?
VIDEOTA ricushpa, cai cati tapuita contestapangui:
¿Bibliapica Taita Dios tucui religiongunata alicachishcatachu nin?
5. Panda religiongunaca Jehová Dioshna juyaitaca na ricuchinllu
Panda religiongunaca Jehová Diostaca ashtaca ruraicunahuanmi nalipi quedachishca. Panda religiongunaca siempremi guerracunata apoyanajushca. Shuj ejemplota ricungapaca cai VIDEOTA ricupai. Chai jipaca cai tapuicunata contestapangui:
Segunda guerra mundialpica ¿imatata huaquin religiongunaca rurarca?
Chaita yachai chayashpaca ¿imashinata sintiripangui?
Juan 13:34, 35 y 17:16ta liishpa, cai tapuicunata contestapangui:
Religionguna guerracunata apoyajta ricushpaca ¿imashinashi Jehová Diosca sintirin?
Panda religiongunaca ashtaca nali ruraicunatami rurashca. Shina rurashpaca ¿Jehová Diospa juyaitachu ricuchishca?
Taita Diospa juyaitaca panda religiongunaca na ricuchishcachu
6. Jehová Diosca panda religionmanda llujshichunmi ayudangapaj munan
Apocalipsis 18:4ta liishpa,a cai tapuita contestapangui:
Jehová Diosca panda religiongunamanda umachi tucushcacunata ayudangapami munan. ¿Nachu chaica ali can?
7. Jehová Diosmanda ashtahuan yachajushpa catipai
Panda religiongunapa ruraicuna, yachachishcacunapash ¿Jehová Diosmanda pandacunata crichichunga saquinachu capanchi? Caipi pensaripashunchi, shuj churi paipa taitapa ali concejocunata na cazushpa, huasimanda rishpa nali cosascunata rurashcanman. ¿Taitapa culpamandami shina nalicunata rurashpa causajun nipanchimanllu?
Panda religiongunapa ruraicunamanda Jehová Diosta culpashpa, paimanda yachajunata saquinaca ¿alicha canman?
HUAQUINGUNACA, “Religiongunaca tucuicunatallatami llaquichishca. Ñucapash shinallata causangapaca imapata Diostaca rijsishayari” ninmi.
¿Quiquinbashchu shinallata pensapangui?
¿Panda religiongunapa ruraicuna Jehová Diosmanda pandacunata crichichunga saquinachu capangui?
YARINGAPAJ
Panda religiongunaca paicunapa ruraicunahuan, nishcacunahuanbash Jehová Diostaca nalipimi quedachishca. Shinapash chai panda religiongunataca ñallami Jehová Diosca tucuchishpa saquinga.
¿Imatata yachajupashcanchi?
Panda religiongunapa ruraicunamanda, yachachishcacunamandapash ¿imatata yuyapangui?
Panda religiongunamandaca ¿imatata Jehová Diosca yuyan?
Panda religiongunahuanga ¿imatata Jehová Diosca ruranga?
CAITAPASH RICUPAI
Huaquin religionguna Jehová Diosta imashina nalipi quedachishcata ricupai.
“¿Tucui religiongunachu Taita Diosman quimirichun ayudan?” (jw.org paginapi ricupangui)
Jehová Diosca ¿imamandata tandanajushpa paita adorachun munan?
“¿Shuj religionda charinaca minishtirishcachu can?” (jw.org paginapi ricupangui)
Shuj sacerdoteca paipa religionbi cabalta yachachijushcataca na seguro carcachu. Shinapash paica Jehová Diosmanda cabalta yachajunatami dicidirca.
“Shuj sacerdoteca paipa iglesiatami saquin” (Rijcharipaichi revista, febrero de 2015)
Ashtaca huatacunatami panda religiongunaca Jehová Diosmanda llullacunata nishpa gentecunataca umachishca. Ima llullacunatalla nishcata ricupai.
“¿Ima llullacunata Taita Diosmanda caruyachin?” (Villajun revista, 1 de noviembre de 2013)