BIBLIAMANDA TAPUICUNA

Cusahuarmicunaca ¿imashinata aliguta causaita ushan?

Bibliapica ninmi, Taita Diosmi cazaranata churarca nishpa. Chaimandami Bibliapi consejocunata cusahuarmicuna cazushpaca aliguta causai ushan. Bibliami nin, cusahuarmicuna ali causangapaj imata ruranata imata na ruranatapash. Shinaca ali causangapaca ¿imatata rurana can? (Colosenses 3:​8-10, 12-14, liipangui.)

Cusahuarmicunaca respetarinami can. Cusapash huarmipash Jehová Diosta casushpami cushilla, aliguta causan. (Colosenses 3:​18, 19, liipangui.)

Ashtaca huatacunata igual causangapaca ¿imatata rurana can?

Cusahuarmicunaca ishcandimanda llaquirishpami igual causai ushan. Taita Diospa, paipa Churipa ejemplota catishpami cusahuarmica juyarina can. (1 Juan 4:​7, 8, 19, liipangui.)

Cazaranata Taita Dios churashcata yarishpami cusahuarmicunaca igual causaita ushanga. Huahuacunapash ali causachunmi Taita Diosca cusahuarmicuna igual causachun munan. Shujlla cuenda tucushpa cushilla causachunmi Taita Diosca jaritapash huarmitapash rurarca. Ashtahuangarin juyarishpa causachunmi Taita Diosca gentecunataca paiman rijchata rurarca. (Génesis 1:​27, 2:​18, 24, liipangui.)