Cusahuarmi causaita cuidapashunchi

Cusahuarmicunaca cazaranajushpaca huañungacamanmi pacta causashun nishcami. Chaica Jehovapa ñavipica valishcapachami can. Jehová Diosca cusahuarmicuna siempre pacta causachunmi munan (Mt 19:5, 6). Ashtaca Jehová Diosta sirvij cusahuarmicunami cushilla causan. Shinapash cusahuarmi causaipica siempremi problemacunaca ricurin. Partirishpa o divorciarishpami problemacunataca ñana charishachu nishpaca na pensanachu capanchi. Shinaca ¿imashinata cusahuarmi causaitaca cuidai ushapanchi?

Bibliapa 5 consejocunata ricupashunchi.

1. Nali munaicunata, yuyaicunata ama charingapaj cuidarishunchi. Shujcunahuanga na asirijunachu canchi. Pinganayai, nali cosascunamandaca caruyanami capanchi. Caicunamandami cusahuarmi causaipica problemacuna ricurin (Mt 5:28; 2Pe 2:14).

2. Cusahuarmicunaca Jehová Dioshuan ali amigocuna cangapaj, cusahuarmi causaipash paipa ñaupapi ali ricurichunmi esforzarina capanchi (Sl 97:10).

3. Jehová Dios munashcashna cangapami esforzarina capanchi. Shinallata juyaita ricuchingapami randimanda imagutapash rurashpa cushichirina capanchi (Col 3:8-10, 12-14).

4. Cusahuarmicunaca imagumandapash parlanallami capanchi. Shinallata respetohuanmi tratarina capanchi (Col 4:6).

5. Cusahuarmicuna pacta puñujushpaca randimanda juyaihuan tratarina can (1Co 7:3, 4; 10:24).

Jehová Diosmi cusahuarmi causaitaca callarichirca. Chaimi cusahuarmi causaita respetashpaca Jehová Diosta respetashcata ricuchinchi.

AGUANTASHPAMI ÑAUPAMAN CATINA CANCHI: CALPACHUN MANDASHCASHNAMI ALIGUTA CALPASHPA CATINA CANCHI NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• 

  Cusahuarmicuna ali causai callarijpipash ¿ima problemacunata ricuri ushan?

• 

  ¿Bibliapa maijan consejocunata ñana juyarij cusahuarmicunataca ayudaita ushan?

• 

  ¿Imatata Jehová Diosca cusahuarmicunataca mandashca?

• Cusapash, huarmipash cushilla causangapaca ¿imatata rurana can?