BIBLIAMANDA TAPUICUNA
¿Picunata cieloman rin?¿Imapata cieloman rin?
Huañushpaca ashtaca gentecunami cieloman ringapaj munan. Jesusca paipa ali apostolcunami cieloman ringa nishpami nara huañushpaca nirca, cangunapash ñuca Taitahuan cielopi cachunmi shuj pushtuguta seguragrini nishpa. (Juan 14:2, liipangui.)
¿Imamandata huaquingunaca cieloman ringapaj causaringa? Cieloman rishpaca ¿imatashi ruranga? Jesusca nircami, apostolcuna cieloman rishpaca reycunami canga. Paicunami cai Alpataca cielomanda mandanga nishpa. (Lucas 22:28-30; Apocalipsis 5:10, liipangui.)
¿Ciertochu tucuilla ali gentecuna cieloman rin?
Imashinami huaquin gentecunalla llactacunapica mandan, shinallatami Jesús agllashcacunalla cielopi causarishpa cai Alpata mandanga (Lucas 12:32). Bibliaca mashnacuna cieloman rishpa mandanatapash villajunmi. (Apocalipsis 14:1, liipangui.)
Jesusca paipa catijcunapash cielopi cachunmi shuj pushtuguta segurashca. ¿Imatashi cielopica ruranga?
Huaquingunalla cieloman rijpipash, ashtaca gentecunami Jesusta cazushpaca shuj juyailla paraíso Alpagupi unai unaicaman causai ushanga (Juan 3:16). Huaquingunaca nali gentecunata tucuchina punllamanda salvarishpami paraíso Alpagupi causanajunga. Cutin shujcunaca paraíso Alpagupi causajuj punllacunapimi chaipi causangapaj causaringa. (Mateo 5:5; Juan 5:28, 29 liipangui.)