BIBLIAMANDA TAPUICUNA
Huañushcacunaca ¿imashi tucunga?
Huañushcacunaca na imatapash yachanllu, na imatapash rurai ushanllu. Chaimandami huañushcacunaca puñujuj cuenda can. Shinapash Taita Diosca huañushcacunata causachi ushanmi. Huañushcacunata Taita Dios causachinata crichunmi Jesusca tauca gentecunata causachirca. (Eclesiastés 9:5; Juan 11:11, 43, 44, liipangui.)
¿Imamandata nin, huañushcacunaca puñujuj cuendami can nishpa?
Taita Diosca nircami, huañushcacunata causachina tiempo chayajpica, huañushcacunata causachishpami shuj juyailla Alpagupi causachun churasha nishpa. Taita Diosca huañushcacunata causachingapami munan (Isaías 26:9, liipangui.)
Causarishpaca ¿imashinata canga?
Huañushcacuna causarishpaca familiatapash amigocunatapash rijsingami. Paicunapa cuerpo ña ismushpa tucurishca cajpipash Taita Dios shuj mushuj cuerpota cujpipash, imashinami carca shinallatami causaringa (1 Corintios 15:35, 38, liipangui.)
Huaquingunaca jahua cielopi causangapami causaringa (Apocalipsis 20:6). Cutin ashtacacunaca shuj paraíso Alpagupi cushijushpa causangapami causaringa. Taita Diosta cazushpaca cutinga na huañungachu. (Salmo 37:29; Mateo 5:5; Hechos 24:15.)