BIBLIAMANDA TAPUICUNA
¿Pita cai mundotaca mandajun?
Taita Dios cai mundota cierto mandajujpica ¿ashtaca llaquicuna tianmanllu?
Ashtaca gentecunami nin, Taita Diosmi cai mundotaca mandajun nishpa. Shinapash cai mundota Taita Dios mandajujpica ¿imamandashi cai mundopica ashtaca llaquicuna tian? (Deuteronomio 32:4, 5.) Bibliapica ninmi, cai mundotaca shuj nali gobiernomi mandajun nishpa. (1 Juan 5:19, liipangui.)
Chai nali gobiernoca Diablomi can. Callaripica shuj ali angelmi carca. Shinapash chai angelca Taita Diosta na cazushpami Adanda Evatapash Taita Diosta na cazuchun yachachirca (Génesis 3:1-6). Paicunapash Diablota uyashpami Diablota cazui callarirca. Taita Diosllami gentecunataca mandana can. Shinapash paita juyaimanda cazuchunmi munan (Deuteronomio 6:6; 30:16, 19). Ashtaca gentecunaca Adanba Evapa chaquita catishpami Diablopa llullacunata crishca. (Apocalipsis 12:9, liipangui.)
¿Pita tucui llaquicunata tucuchinga?
Taita Diosca Diablo mandashpa catichunga na saquingachu. Ashtahuangarin Jesusta mandachun churashpami Taita Diosca Diablopa tucuilla nali rurashcacunata tucuchinga. (1 Juan 3:8, liipangui.)
Taita Diosca Jesusmanmi mingashca Diablota tucuchichun (Romanos 16:20). Shinami gentecunaca Taita Dios mandajpi, Taita Dios munashcashna cushilla, ali causanga (Apocalipsis 21:3-5, liipangui.)