BIBLIAMANDA TAPUICUNA
¿Jesusca ciertochu huañushcacunata causachirca?
Chuscu punllacunata huañushca cajpipashmi Jesusca Lazarota causachirca
Bibliapimi nin Jesusca huañushcacunata causachircami nishpa. Chaicunaca na yanga parlocunallachu. Huañushcacunata causachishcata parlashpaca maijan pushtupi, ima horapacha causachishcatapashmi Bibliapica parlan. Huata 31 yalillapimi Jesusca huaquin gentecunandi tandanajushpa Capernaum llactamanda Naín llactaman rinajurca. Ña chayanajushpaca shuj huañushca huambraguta pambangapaj rinajuj gentecunahuanmi tuparirca. Chaimandami Jesusca chai ratopillata chai huambragutaca causachirca. Bibliapi liishpa, ashtahuangarin ashtaca gentecuna ricushcamandami chai huambraguta Jesús causachishcataca crinchi. (Lucas 7:11-15, liipangui.)
Asha tiempo jipaca, paipa ali amigo Lazarotami Jesusca causachirca. Paica ñami chuscu punllacunata huañushca carca. Lazarota causachishcatapash ashtaca gentecuna ricushcamandami paita causachishcataca crinchi. (Juan 11:39-45, liipangui.)
¿Imamandata gentecunataca causachirca?
Jesusca gentecunata llaquimandami causachirca. Shinallata huañushcacunata causachichun Taita Dios ushaita cushcata crichunmi causachirca. (Juan 5:21, 28, 29, liipangui.)
Huañushcacunata Jesús causachishcata yachashpami paipa tucui nishcacuna pactarinata crinchi. Taita Diosta na rijsi ushashpa huañushca gentecunatapashmi Jesusca causachinga. Shinami paicuna causarishpaca Taita Diosta rijsishpa juyai ushanga. (Hechos 24:15, liipangui.)