BIBLIAMANDA TAPUICUNA
¿Imashinata Taita Diostaca ali rijsi ushanchi?
¿Imamandata Taita Diosca paita ali rijsichun munan? Juan 17:3ta liipangui
Taita Diosca paita rijsichun munashpami paipa jucha illaj espirituta cushpa paipa yuyaicunata Bibliapi escribichishca (2 Pedro 1:20, 21). Shinaca Bibliata liishpami Taita Diostaca ali rijsi ushanchi. (Juan 17:17; 2 Timoteo 3:16, liipangui.)
Bibliapimi Taita Diosca gentecunata imamanda rurashcata, gentecunata imashina ayudanata, gentecuna imashina portarichun munashcatapash villachijun (Hechos 17:24-27). Jehová Diosca gentecuna paita ali rijsichunmi munan. (1 Timoteo 2:3, 4, liipangui.)
Paita ali rijsingapaj munajcunamandaca ¿imatata Taita Diosca yuyan?
Jehová Diosca na llullaj Dios cashpami paipa Churi Jesustaca cabalta yachachichun cachamurca. Chaimandami Taita Diosta ali rijsingapaj munajcunaca Jesús imata yachachishcata chasquin (Juan 18:37). Jehová Diosca paita ali rijsishpa adoraj gentecunatami alicachin. (Juan 4:23, 24, liipangui.)
Diabloca gentecuna Taita Diosta ama ali rijsichunmi llullacunata yachachin (2 Corintios 4:3, 4). Taita Diosta na ali rijsingapaj munajcunaca chai llullacunata crinllami (Romanos 1:25). Shinapash cunanbi ashtaca millón gentecunaca Bibliata yachajushpami Taita Diostaca ali rijsi ushashca. (Hechos 17:11, liipangui.)