“Caimi ashtahuan ali regalo cashca”

Shuj alcuguta carajpimi, 13 huatacunata charij cuitsaguca shina nirca. Shuj jatun fabricata charij huarmigupash nircami, ñuca joven cajpica, ñuca taita shuj computadorata carajpimi ninanda cushijurcani nishpa. Shuj runagupash nircami, cazarashca shuj huata pactajpi, ñuca huarmigu shuj tarjetaguta rurashpa carajpimi ninandapacha cushijurcani nishpa.

Tucui huatacunami ashtaca gentecunaca, paicunapa familiaman o amigoman shuj “alipacha” regalota carangapaj munashpa cutin cutin mascanajun. Ashtacacunaca paicunapa carashca regalota cushijushpa chasquichunmi munan. Shinaca ¿nachu quiquinbash shuj ali regalota carangapaj o chasquingapaj munapanguiman?

Pimanbash carajpi cushijujta ricunaca alipachami can. Caranapash alipachami can. Bibliapica ninmi: “Carajpi japijcunatapash yalimi carajcunaca, ninanda cushijun” nishpa (Hechos 20:35). Shinapash, carajpi agradicijta ricushpami ashtahuanga cushijunchi.

Shinaca carajpi cushijushpa chasquichun, ñucanchicunapash cushijushpa carangapaca ¿imatata rurana capanchi? “Ashtahuan ali” regalota na carai ushashpapash ¿imashinata shujcuna alicachishca regalota caraita ushapanchi?