Genesis
4 Aichata paiba rahuaihuan ama micunguichichu, rahuaiga aichahua causai man. 8 Chi huasha, Diosca Noeta, paihua churigunatas nira: 9 “Cunan ñuca nishcata pactachingarauni, cangunahuan, canguna miraigunahuan, 10 cangunahuan arcamanda llucshic tucui causaita chariccunahuan, pahuaccunahuan, animalgunahuan, allpaibi tucui causaita charic cangunahuan auccuna, paiguna anaunmi, allpaibi tiac tucui causaccuna. 11 Ñuca cangunahuan caita pactachingarauni: mana ima uraspas manzhanaita atun tamiata apamushachu, allpai causaccunata huanchingahua, allpata mana huaglichingahuas”. 12 Chi huasha Dios nira: “Cangunahuan, canba miraigunahuan, cangunahuan auc tucui causaita chariccunahuan, ñuca pactachingaraushcata ricuchingahua, caita rauni: 13 Puyugunaibi ñuca cuichita churani. Caiga, allpahuan ñuca rimashca shimi pactaringaraushcata ricuchinga. 14 Caran cutin allpa ahuaibi puyu shamucpi, puyugunaibi cuichi ricuringami. 15 Chasnami, cangunahuan, tucui sami causaccunahuan, ñuca rimashca shimi pactaringaraushcata yuyarisha. Yacugunaga mana ima uraspas manzhanaita tamiangaunachu, allpaibi tucui causaccunata huanchingahua. 16 Cuichi puyugunaibi llucshicpi, ñuca chita ricushami, allpaibi tucui sami causaccunahuan ñuca huiñairaicu pactachina shimita yuyarisha”.