Esdras
4 Juda y Benjaminhua enemigogunaga, Israelmanda Dios Jehovaraicu shuc templota tarabangahua, Babiloniamanda tigramushcata uyanaura. 2 Paigunaga Zorobabelma, ailluta cuirac carigunahuacma uctalla caillayasha ninaura: “Cangunahuan tarbanata munanchi. Ñucanchihuas canguna Diostami adoranchi, Asiria llacta rey Esar-Hadonba timpumanda canguna Diosta adorasha catinchi, paimi caima apamui tucuranchi”. 3 Chasna ashahuas, Zorobabel, Jesua, ailluta cuirac carigunas paigunata ninaura: “Cangunaga ñucanchi Diosraicu shuc huasita ñucanchihuan mana tarbanguichichu. Ñucachillami Israelmanda Dios Jehovaraicu huasishun, Persiamanda rey Ciro mandashca shina”. 4 Chasnami, Jerusalen mayambi causac runaguna, judiogunata llaquichisha, templota tarbanata saquichingahua arcanaura. 5 Persia llactamanda rey Ciro mandashca punzhamanda, Persia llactamanda rey Dario mandanagama, paigunata arcangahua pandachiccunata cachanaura. 6 Rey Asuero mandangahua callarishcaibi, chi runaguna Juda y Jerusalenbi causac runagunata culpangahua quillcanaura. 7 Persia llactamanda rey Artajerjes mandashca punzhagunaibi, Bislam, Mitrídates, Tabeelbas, paigunahua compañerogunas, rey Artajerjesta quillcanaura. Arameo shimima pasachisha, arameo letrahuan quillcanaura. 11 Caiga paiguna cachashca cartamanda copia man). “Rey Artajerjesraicu, canda sirviccuna partimanda quillcashca man, Eufrates yacumanda oeste partibi causac runaguna: 12 Camba llactamanda llucshic judioguna, Jerusalenbi pactamushcata cuintaunchi. Paigunaga reyba contra ac, mana ali llactata alichiunguna, quinzhagunata istandigunatas shayachisha ña tucuchiunguna. 13 Chasnallata, paiguna llactata, quinzhagunatas tarbasha tucuchishaga, rey tapushca cullquita mana pagangaunachu nisha cuintanchi. Paiguna mana pagacpiga, reyguna tapushca cullquita pirdichingaunami. 14 Ñucanchiga rey pagashca manchi, rey chi cullquita pirdina mana ali ashcata rimaunchi. Chiraicu, reyta yachachingahua cai cartata cachaunchi, 15 ñaupa mandac reyguna imata quillcasha saquishca libroibihuas ricunauchun. Chi libroibiga cai llacta mana casusha contra ashcata, shuc reygunata, shuc llactagunata llaquichishcata ricungui, chasnallata, ñaupa timpuibi macanacusha causashcata. Chiraicu, chingachishca tucura. . 16 Reyta caita cuintanchi: Jerusalen llactata alichisha, paiba quinzhagunatas shayachishca acpiga, can Eufrates yacumanda oeste partibi causac runagunata, mana pitahuas mandana ushanguichu”.