Ieremia

41 E TAE akera ki te itu o te marama, i aere mai ei a Isemaela, te tamaiti a Netania, te tamaiti a Elisama, no te kopu ariki ra, e te aronga nunui ki o te ariki ra, tino ngauru puke tangata ma ia katoa ra, kia Gedalia, te tamaiti a Ahikama, ki Mizepe; e kua kai iora ratou katoa i te manga i Mizepe.

2 Kua tu mairā Isemaela, te tamaiti a Netania ra, e nga tangata kiatoa tino ngauru tei iaia ra, kua ta iora ia Gedalia, te tamaiti a Ahikama, te tamaiti a Saphana, i to koke, e mate roa akera aia, tei akariroia e te ariki o Babulonia ei tutara ki runga i te enua ra.

3 E te au ngati Iuda katoa ki ona ra, ki o Gedalia ra, i Mizepe, e te au Kaledea i kitea i reira ra, te aronga toa, ko tei taia katoa ïa e Isemaela.

4 E tae akera ki te po rua i taua tainga nana ia Gedalia ra, e kare e tangata i kite ra,

5 Te aere maira tetai aronga tangata, mei Sekema mai, mei Silo mai, e mei Samaria mai, e oko a puke tangata ra, ma te tanga varuia ra, e ma te kakau aeaia e ma te tapatapaiia ratou uaorai, ma te atinga kai e te atinga kakara i to ratou rima, ei apai mai ki te are o Iehova.

6 Kua aere iorā Isemaela, te tamaiti a Netania ra, mei Mizepe atu e akaaravei ia ratou, aere marie ua atura ma te aue: e kia aravei atura aia ia ratou, kua karanga atura aia kia ratou, Aere mai kia Gedalia, te tamaiti a Ahikama ra.

7 E tae atura ratou ki rotopu i taua oire ra, kua ta iorā Isemaela, te tamaiti a Netania ra, ia ratou, e kua uri ki roto i te vaarua, koia ma te au tangata katoa tei iaia ra.

8 Kitea iora nga tangata tino ngauru, no roto ia ratou, tei tuatua mai kia Isemaela, Auraka matou e taia: e apinga oki ta matou i roto i te au kaina ra, i te sitona, e te kerite, e te inu olive, e te meli. Kore akera aia e rave, kare i ta ia ratou i roto i to ratou au taeake, ra.

9 Taua vaarua ra ta Isemaela i uri i te au kopapa tana i ta, no Gedalia ïa, e mea angaia ïa e te ariki e Asa, i te mataku i te ariki o Iseraela ko Baasa ra: ko tei akakiia ïa e Isemaela, te tamaiti a Netania, ki te aronga i taia ra.

10 Arataki tuikaaia atura te totoenga ravarai o te tangata i Mizepe e Isemaela, te au tamaine a te ariki ra, e te au tangata katoa i toe i Mizepe, ra, i tei tukuia atu e te rangatira vaeau e Nebuzaradana kia Gedalia, te tamaiti a Ahikama, ei tiaki: ko Isemaela, te tamaiti a Netania, tei arataki tuikaa ia ratou, e riro atura aia kia aere atu ki o te au tamariki a Amona ra.

11 Akarongo akerā Ioanana, te tamaiti a Karea, e te au rangatira katoa o te au nuku tei iaia ra, i te au kino katoa i raveia e Isemaela te tamaiti a Netania ra,

12 Kua rave atura oki ratou i te au tangata katoa, aere atura e tamaki ia Isemaela, te tamaiti a Netania ra, e rokoia atura aia i te vai maata i Gibeona ra.

13 Kite akera taua au tangata katoa i Isemaela ra ia Ioanana, te tamaiti a Karea, e te au rangatira katoa o te au nuku tei iaia, rekareka akera ratou.

14 Kua ariu anake atura te au tangata katoa, ta Isemaela i arataki tuikaa mai mei Mizepe atu, oki akaou atura kia Ioanana, te tamaiti a Karea ra.

15 Ora atura rā Isemaela, te tamaiti a Netania, i te rima o Ioanana, e nga tangata katoa oki toko varu, aere atura ki te au tamariki a Amona.

16 Kua rave akera oki a Ioanana, te tamaiti a Karea, i te au rangatira katoa o te au nuku ki ona, i te toenga ravarai o te tangata i rauka mai iaia ia Isemaela, te tamaiti a Netania, i Mizepe, i muri ake i te tainga ia Gedalia, te tamaiti a Ahikama, i te aronga maroiroi no te tamaki ra, ma te au vaine, e te au tamariki, e te au tavini ariki, tana i akaoki mai mei Gibeona mai:

17 Aere atura ratou e noo atura ki te nooanga o Kimihama, i vaitatao i Betelehema, i te arataa e aere ei ki Aiphiti,

18 No te Kaledea: te mataku ra oki ratou ia ratou, no te mea, kua tā Isemaela, te tamaiti a Netania, ia Gedalia, te tamaiti a Ahikama, tei akariroia e te ariki o Babulonia ei tutara no te enua ra.