Deuteronomi

30 E KIA iri mai teia katoa nei au mea ki runga ia koe, i te meitaki e te kino, taku i tuku ki mua ia koe nei, e kia akamaara koe i te reira i te pa enua katoa ta to Atua ta Iehova i tuaru atu ia koe ra,

2 E kua oki maira koe ki to Atua ra kia Iehova, e kua akarongo koe i tona reo i te au tuatua ravarai taku e akaue atu kia koe i teianei rā, ko koe, e to au tamariki, ma to ngakau katoa, e ma to vaerua katoa;

3 Ka ruri ke mai to Atura ra ko Iehova i toou ra tuikaanga i reira, ka aroa mai aia ia koe, ka oki mai e ka akaputuputu mai ei ia koe mei te au enua katoa mai, ta to Atua ta Iehova i akapueurikiriki ke atu ia koe ra.

4 Tuaru ke uaia atu rai toou e tae ua atu ki te openga mai o te rangi ra, ka akaputuputu mai ei to Atua ra ko Iehova ia koe i reira, ka tiki rai aia ia koe i reira:

5 E ka arataki mairai to Atua ra ko Iehova ia koe ki te enua i nooia e to ai metua ra, e naau e noo i reira; e ka takinga-meitaki aia ia koe, e ka akamaata mai ia koe kia iti to ai metua ra.

6 E peritome to Atua ra ko Iehova i to ngakau, e te ngakau o to uanga, kia inangaro koe i to Atua ia Iehova, ma to ngakau katoa, e ma to vaerua katoa, kia ora koe.

7 Ka tuku oki to Atua ra ko Iehova i teia katoa nei au taumaa ki rungao i te au enemi, e ki rungao i te aronga i riri mai ia koe, tei takinga-kino mai ia koe ra.

8 E ka oki mairai koe, e ka akarongo i te reo o Iehova, e akono oki i te au akauenga katoa nana, taku e akaue atu kia koe i teianei rā.

9 E na to Atua na Iehova e akamanuia rava mai i te au angaanga katoa a to rima ra: i taau e anau na, e ta to au puaka e anau, e tei tupu ki runga i to enua na, kia meitaki koe: ka rekareka akaou oki a Iehova ia koe kia meitaki koe, mei iaia i rekareka i to ai metua ra:

10 Kia akarongo koe i te reo o to Atua ra o Iehova, e kia akono i tana au akauenga, e tana au akonoanga, i tataia i roto i teianei buka ture, e kia anga koe ki to Atua ra kia Iehova, ma to ngakau katoa, e ma to vaerua katoa.

11 Kare oki teianei akauenga taku e akaue atu kia koe i teianei rā, i te mea kitea koreia e koe ra, kare oki tei te mamao ke.

12 Kare i runga i te rangi ka tuatuaʼi koe e, Koai to tatou e kake ki runga i te rangi, ei apai mai i taua tuatua kia tatou nei, kia akarongo atu tatou e kia akono?

13 Kare oki tei tetai pae moana mai, ka tuatuaʼi koe e, Koai to tatou e ano ki tera pae moana ei apai mai i taua tuatua ra kia tatou nei, e kia akarongo atu tatou, e kia akono?

14 Tei vaitata roao ra taua tuatua nei ia koe, tei to vaa, e tei to ngakau, kia akono oki koe i te reira ra.

15 I na, kua tuku au i te ora e te meitaki, i te te mate e te kino. ki mua ia koe i teianei rā;

16 I taku e akaue atu kia koe i teianei rā, kia inangaro koe i o Atua ra ia Iehova, ma te aere na tona au arataa, e te akono i tana au akauenga, e tana au akonoanga e tana au tuatua-tau, ka ora koe, e ka maata rava koe: e ka akameitaki mai to Atua ra ko Iehova ia koe, ki runga i te enua taau e aere e rave nei ei nooanga.

17 Kia anga ke ra to ngakau, e kare koe e akarongo, e akatareva keia atura koe, akamori atura i te au atua ke, ka araara atu ei ia ratou;

18 Te akakite atu nei au kia kotou i teianei rā, ka mate tikai kotou, e kare e roa to kotou ra puke rā ki runga i te enua taau e aere e noo nei, i tetai pae Ioridana ra.

19 Te kapiki nei au ki te rangi e te enua ei kite noku ia kotou i teianei rā e, kua tuku au i te ora e te mate, i te meitaki e te kino, ki mua ia koe: e tenana, ka rave i te ora, kia ora koe e toou katoa uanga:

20 Kia inangaro oki koe i to Atua ra ia Iehova, e kia akarongo koe i tona reo, e kia piri atu koe kiaia; ko toou ïa ora aia, e ko te roa ïa o toou ra puke rā; kia noo oki koe i te enua ta Iehova i taputou mai ki to ai metua ra, kia Aberahama, kia Isaaka, e kia Iakoba, e oronga no ratou ra.