Ezekiela

4 KO koe oki, e te tamaiti a te tangata na, e rave koe i tetai toka karakaraea, ka tuku ei ki mua ia koe ra, ka kotikoti ei i te oire ra ko Ierusalema ki rungao:

2 Ka akapini ei i te reira, ka patu ei i tetai punanga tamaki ki muao ra, ka āū ei i tetai ngai teitei ki mua i te reira; ka patia atu ei i te puakapa, ka tuku ei oki i te au tutuki e pini ua ake.

3 Ka rave ei koe i tetai manga auri parārā, ka akatu ei koro auri i rotopu i taua oire ra e ko koe: ka anga atu ei i to mata ki tei reira, e naau e akapini i te reira, naau rai oki e kaitamaki atu i te reira. E akariro ïa te reira na te ngutuare o Iseraela.

4 Ka moe oki koe, ei raro to kaokao kaui ra, ka tuku ei i te ara a te ngutuare o Iseraela i rungao: e ope rava ake te au rā taau e moe i te reira pae, ko taau ïa akakoromaki anga i ta ratou au ara.

5 Kua tuku atu oki au ki runga ia koe i te au mataiti o ta ratou ara, e kia aite ki te tatau anga i nga rā e toru anere i iva ngauru ra: ko taau ïa akakoromaki anga i te ara a te ngutuare o Iseraela ra.

6 E ope akera te reira, ka moe akaou koe, ei raro to kaokao katau, kia a ngauru oou rā i te akakoromaki anga i te ara a te ngutuare o Iuda: okotai rā okotai rai ïa mataiti i te akono angaia e au ia koe ra.

7 E tenana, ka anga koe i to mata ki te akapini anga ia Ierusalema, ka vaoo tapoki koreia toou rima, e ka totou koe i te reira.

8 E i na, naku e tuku i te tapeka ki runga ia koe, kare oki koe e takaviri ki tetai pae ki tetai pae, e kia ope te au rā tamaki anga naau ra.

9 Ka rave katoa oki koe i te sitona e te kerite naau, e te bine e te pipi, e te dekeni, e te olura, ka ao ei ki roto i te āriki okotai, ka akariro ei i te reira ei manga naau, e kia aite ki te tatau anga o nga rā noou i te moe anga ki raro to kaokao ra; e toru anere e iva ngauru oou rā i te kai anga i te reira.

10 E taau ra manga kia kai ra, okotai takau ïa sekela i te rā okotai, kia aite ra: ei tera tuatau, tera tuatau, ka kai ei koe.

11 E inu katoa oki koe i te vai ma te aite, te ono o te tuanga o te ina ra: ei tera tuatau, tera tuatau, ka inu ei koe.

12 E kai oki koe i tetai manga kerite, e ei tutae tangata te vaie kia tunu koe ki mua i to ratou aroaro.

13 Kua tuatua mairā Iehova, Mei te reira te tamariki a Iseraela i te kai anga i ta ratou manga viivii i rotopu i te au etene, taku e îîa atu ia ratou ra.

14 Kua karanga atura au i reira, E te Atu e Iehova! i na, kare toku vaerua i viivii ana: ko te mea mate ua ra oki, e tei aeaeia ra, kare rai au i kai mei toku ou anga mairai e teia noaʼi oki: kare oki te puaka viivii i tae mai ki roto i toku nei vaa.

15 Kua tuatua maira aia kiaku i reira, I na, kua tuku atu au i te tutae puakatoro kia koe, auraka to te tangata, ka tunu ei koe i taau kai i te reira.

16 E kua tuatua mairai oki aia kiaku, E te tamaiti a te tangata na, i na, e aati au i te tauturu ra i te kai i Ierusalema: e kai oki ratou i te kai ma te aite, e te taporoporo; e inu oki ratou i te vai ma te aite, e ma te va ua:

17 Kia ngere atu rai ratou i te kai e te vai, e kia va ua atu ki tetai ki tetai, e kia kakao ua atu ratou i ta ratou ara.