Apokalupo

17 KUA aere maira tetai o aua nga angela toko itu i mou i nga kapu e itu ra, kua tuatua maira kiaku, na ko maira, Ka aere mai na i ko nei; e akakite atu au ia koe i te utunga o te vaine akaturi maata, ko tei noo ki rungao i te au vai e manganui:

2 Ko tei akaturiia e te au ariki o te enua nei, e ko tei akakona i to te ao nei, i te wina ra i tana akaturi anga.

3 Kua arataki atura aia i taku vaerua ki te medebara ra; kite atura au i tetai vaine i te noo anga ki rungao i tetai puaka taae kutekute, kua pini rava i te au ingoa akakino Atua, e itu ona mimiti, raungauru oki tara.

4 Te kakau ra taua vaine ra i te kakau purapura e te muramura, kua akamaneaia aia i te auro e te toka memeitaki e te poe, e kapu auro tei tona rima kua ki i te mea viivii e te kino no tana akaturi anga.

5 E e ingoa tei tataia ki rungao i tona rae, E MEA NGARO, KO BABULONIA MAATA KO TE METUA VAINE O TE ARONGA AKATURI, E NO TE AU MEA VIIVII O TE AO NEI.

6 E kua kite au i taua vaine ra i te kona anga i te toto o te aronga tapu ra, e te toto o te aronga kite o Iesu ra; va ua atura au i taua kite anga noku iaia ra, e va maata ua atu.

7 Kua tuatua maira taua angela ra kiaku, Eaa koe i va uaʼi? naku e akakite atu kia koe i te tuatua ngaro o teianei vaine, e no te puaka taae e apai iaia ra, nona nga mimiti e itu nei, e nga tara raungauru nei.

8 Taua puaka taae taau i akara ra, i vai ana, e kare nei, e kua vaitata i te kake ki runga mei raro mai i te vaarua takere kore ra, ka aere atu ei ki te mate; e te aronga e noo ki te ao nei, (ko tei kore i tataia to ratou ingoa i te buka ora mei muatangana mairai o teianei ao,) e vavaria ïa, kia akara ratou i taua puaka taae i vai ana, e kare nei, e e kitea akaou mairai.

9 Ei ko nei te ngakau pakari. Nga mimiti e itu ra, e itu ïa maunga, e nooia e taua vaine ra.

10 Ko nga ariki toko itu ra oki ratou: kua mate akenei e toko rima, te vai nei tetai, e kare rai tetai i tae mai; e kia tae mai oki aia ra, e noo anga poto rai tona e tikaʼi.

11 E taua puaka taae i vai ana, e kare nei ko te tokovaru ïa, e no nga toko itu ra aia, e ka aere atu rai ki te mate.

12 E nga tara raungauru taau i akara ra, e ariki ïa tino ngauru, kare ra i rauka to ratou basileia, e rauka ra to ratou mana ariki, ma to te puaka taae, e ora okotai ua i te vairanga ra.

13 E riro okotai rai o ratou ngakau, e e oronga ratou i to ratou mana e te maroiroi ki te puaka taae ra.

14 E e tamaki mai ratou ki te Punua-mamoe ra, e e pou ratou i te Punua-mamoe: ko te Atu oki aia o te au atu ra, e te Ariki o te au ariki ra: e te tangata katoa nona ra, e aronga kapikiia ïa, e te ikiia, e te tuatua-mou.

15 Kua tuatua maira aia kiaku, Ko te au vai taau i akara ra, e nooia e taua vaine akaturi ra, e au iti-tangata ïa, e au urupu tangata maata ïa, e au enua ïa, e au reo ke ke ïa.

16 E nga tara okotai ngauru taau i akara ra, e te puaka taae ra, e akaviivii ïa i taua vaine akaturi ra, e e pou oki aia ia ratou i te āru, e e noo apinga kore ua aia, e e kai i tona kopapa, e e tutungi iaia ki te ai.

17 Kua tuku oki te Atua i te manako ki roto i to ratou ngakau kia rave ratou i tona anoano, e kia tau ratou, kia oronga i to ratou mana ariki ki te puaka taae ra, e kia ope te tuatua a te Atua i te tupu.

18 E te vaine taau i akara ra, ko taua oire maata ra ïa, ko tei tutara ki rungao i te au ariki o te ao nei.