Iosua

12 TEIA te au ariki no taua enua ra tei taia e te tamariki a Iseraela, e riro maira to ratou enua ia ratou i tetai pae Ioridana ra, i te pae i te itinga o te rā ra, mei te kauvai ra ko Aranona e tae ua atu ki te maunga ra ko Heremona, e te Araba katoa ra i te pae i te itinga o te rā ra:

2 Ko te ariki o te ngati Amori ra ko Sihona, tei noo i Herebona, e koia oki te ariki i Aroera i te pae o te kauvai ra ko Aranona, e to roto oki i taua kauvai ra, e tetai pae i Gileada, e tae rava atura ki te kauvai ra ko Iaboka, i te kotinga o te tamariki a Amona ra:

3 E te Araba katoa ra mei te pae o te roto ra ko Kinerota ki te pae i te itinga o te rā ra, e tae ua atura ki te tai o te Araba, koia te Tai Kavakava ra, i te pae i te itinga o te rā ra, ka aere tika atu ei ki Beteiesimota na i te pae i apatonga, i raro ake i te au pupuianga vai o Pisega:

4 E te enua o te ariki o Basana ra ko Oga, e toenga no te aronga roangarere, ko tei noo i Asetarota e i Ederei;

5 E koia te ariki i te maunga ra ko Heremona, e i Salaka, e Basana katoatoa, e tae ua atura ki te kotinga o te Gesuri, e to te ngati Maaka, e tetai pae i Gileada, ki te kotinga o Sihona ariki i Hesebona.

6 Ko ratou ïa tei pou i te tavini o Iehova ra ia Mose, e te tamariki a Iseraela; e kua orongaia te reira e te tavini o Iehova ra e Mose ei nooanga no te ngati Reubena, e no te ngati Gada, e no te kopu veenga o Manase ra.

7 Teia oki te au ariki no te enua i taia e Iosua, e te tamariki a Iseraela, i teia pae i Ioridana, i te pae i te opunga o te rā nei, mei Baala-gada atu i te ngai mataataa i Lebanona ra, e tae rava atura ki te maunga ra ko Halaka, tei tae rava ki Seira ra; ko tei orongaia e Iosua no te au kopu o Iseraela ra ei nooanga, i ta ratou au kotinga tikai ra;

8 Tei te au maunga ra, e tei te au o ra, e tei te au ngai akaaka, e tei te ngai teitei, e tei te medebara, e tei te pae i apatonga to te ngati Heta, e to te ngati Amori, e to te ngati Kanaana, e to te Perizi, e to te ngati Hevi, e to te ngati Iebusi:

9 Te ariki no Ieriko ra, okotai; te ariki no Ai i vaitata i Betela, okotai;

10 Te ariki no Ierusalema ra, okotai; te ariki no Heberona ra, okotai;

11 Te ariki no Iaremuta ra, okotai; te ariki no Lakisa ra, okotai;

12 Te ariki no Egalona ra, okotai; te ariki no Gezera ra, okotai;

13 Te ariki no Debira ra, okotai; te ariki no Gedera ra, okotai;

14 Te ariki no Horama ra, okotai; te ariki no Arada ra, okotai;

15 Te ariki no Libena ra, okotai; te ariki no Adulama ra, okotai;

16 Te ariki no Makeda ra, okotai; te ariki no Betela ra, okotai;

17 Te ariki no Tapua ra, okotai; te ariki no Hephera ra, okotai;

18 Te ariki no Apheka ra, okotai; te ariki no Lasarona ra, okotai;

19 Te ariki no Madona ra, okotai; te ariki no Hazora ra, okotai;

20 Te ariki no Simerona-merona ra, okotai; te ariki no Akasapha ra, okotai;

21 Te ariki no Taanaka ra, okotai; te ariki no Megido ra, okotai;

22 Te ariki no Kedesa ra, okotai; te ariki no Iokeneama i Karamela ra, okotai;

23 Te ariki no Dora i te enua ra i Dora ra, okotai; te ariki no Goima i Gilagala ra, okotai;

24 Te ariki no Tireza ra, okotai: e toru ngauru ma tai katoa au ariki ra.