Salamo

53 TE tuatua ra te neneva i roto i tona ra ngakau, Kare e Atua. Kua kino ratou, e ta ratou i rave ra, e mea viivii roa ïa: kare rava tetai i rave ake i te meitaki.

2 Ko te Atua i runga i te rangi tei akara mai ki raro nei, ki runga i te tamariki a te tangata nei, peneiake ko te kitea atu tetai tangata kite, tei kimi i te Atua.

3 Kua ope roa i te aere ke, kua pini ravarai i te kino; kare rava tetai i rave i te meitaki, e okotai iti ake.

4 Kare rava ainei tei rave i te mea kino ra i kite? ko tei kai i toku ra au tangata mei te kai anga kai ra, kare rava e kapiki ua atu ki te Atua ra.

5 Kua rokoia ratou e te mataku maata i te ngai mataku kore, kua akapueurikiriki oki te Atua i te ivi o te aronga i akapini mai ia koe ra; kua taakamaia ratou e koe, no te mea kua akavaavaaia ratou e te Atua.

6 Naringa i rauka te ora o Iseraela no roto mai ia Ziona e! kia akaoki mai te Atua i tona iti-tangata i tuikaa ra, ka pereperekavana Iakoba, ka rekareka oki Iseraela.