Levitiku

15 KUA tuatua mairā Iehova kia Mose raua ko Aarona, na ko maira,

2 E karanga atu korua ki te tamariki a Iseraela, o na ko atu kia ratou, E maki opî to tetai tangata i tona kopapa, kua viivii aia i taua maki opî nona ra. 3 Teia te tu o taua viivii nona i taua maki opî nona ra; kia taʼe taua maki opî no tona ra kopapa, e kia marō te maki opî i tona ra kopapa, te viivii ua ra aia.

4 Te au roi katoa i moeia e te tangata maki opî ra, kua viivii ïa; e e viivii te au mea katoa tana e noo ra.

5 E ko te tukia ua atu i taua roi nona ra, ka orei aia i ona kakau, e ka paî aia ki te vai, e ka viivii ïa e aiai atu. 6 E ko te noo i te au mea katoa i nooia e taua tangata maki opaî ra, ka orei aia i ona kakau, e paî oki ki te vai, e ka viivii ïa e aiai atu.

7 E ko te tukia ua atu i te kopapa o taua tangata maki opî ra, ka orei aia i ona kakau, e paî ki te vai, e ka viivii ïa e aiai atu. 8 E kia tutua te tangata maki opî ra i te uavare ki rungao i te tangata viivii kore ra: ka orei aia i ona kakau, e paî oki ki te vai, e ka viivii ïa e aiai atu. 9 E te au nooanga oroenua katoa i nooia e taua tangata maki opî ra, ka viivii ïa.

10 E ko te tukia ua atu i tetai mea no raro ake iaia ra, ka viivii ïa e aiai atu; e ko te apai ua i taua au mea ra, ka orei aia i ona kakau, e paî oki ki te vai, e ka viivii ïa e aiai ata.

11 E te tangata ravarai e akatukiaia e taua tangata maki opî ra, kare i oreiia tona rima i te vai, e orei aia i ona kakau, e paî oki ki te vai, e ka viivii ïa e aiai atu.

12 E te āriki karakaraea e akatukiaia e taua tangata maki opî ra, ka akangaangaaia ïa: e te au āriki rakau katoa ra, ka oreiia ïa ki te vai.

13 E kia mā te maki opî o taua tangata maki opî ra; e tatau aia i nga rā e itu no te tamā anga iaia, ka oreiʼi i ona kakau, ka paî aia ki te vai mapia, ka mā atu ei. 14 E kia tae ki te po varu ra ka rave aia i e rua kukupa, e kare ra, e puke punua rupe e rua, ka aere mai ei ki mua i te aroaro o Iehova i te ngutupa o te Are uipaanga, ka tuku atu ei ki te taunga ra;

15 E na te taunga e apai, ei tarangaara tetai, ei atinga karakaratio tetai; ko te taunga te ka apai i te tapokiangaara ki mua i te aroaro o Iehova nana, i te maki opî nona ra.

16 E kia rokoia tetai tangata e te opî taʼe ua, ka paî roa aia iaia uaorai ki te vai, e ka viivii ïa e aiai atu.

17 E te kakau, e te kiri i topaia e te reira, ka oreiia ïa ki te vai, e ka viivii ïa e aiai atu.

18 E te vaine i moeia e te tangata, e kia raveia, ka paî raua ravarai ki te vai, e ka viivii ïa e aiai ua atu.

19 E te vaine kia makiia ra, i tona ra maki vaine tikai, ka akatakaia aia e kia po itu; e ko te tukia ua atu iaia ra, ka viivii ïa e aiai ua atu.

20 E te au mea katoa e moeia e ia i tona akataka ke angaia ra, ka viivii ïa: e te au mea katoa e nooia e ia, ka viivii katoa ïa.

21 E ko te tukia ua atu i tona roi, ka orei aia i ona kakau, e paî oki ki te vai, e ka viivii ïa e aiai ua atu.

22 E ko te tukia ua atu i tetai mea i nooia e ia ra, ka orei aia i ona kakau, ka paî oki ki te vai, e ka viivii ïa e aiai ua atu.

23 Tona roi tei tukiaia atu e ia, e tetai mea i nooia e ia, ka viivii rai aia e aiai ua atu.

24 E kia moe te tane i tona pae, e kua iri te mea i akatakaiaʼi aia ki runga iaia, e viivii aia e kia po itu; e te au roi katoa tana e moe ra, ka viivii katoa ïa.

25 E e maki to te vaine kare i tae ki nga rā akataka anga nona ra, e te vai ua ra taua maki ra i topa uaʼi tona akataka anga; ka viivii rai ïa aia i taua au rā katoa i makiiaʼi aia ra, mei tei te au rā akataka anga nona ra.

26 Te vai rai taua maki nona ra, ka riro te au roi katoa tana i moe i taua au rā ra, mei te roi katoa nona i te akataka anga ra te tu, iaia; e te au mea katoa e nooia e ia ka viivii ïa, mei te viivii o te akataka anga nona ra.

27 E ko tei tukia ua atu i taua au mea ra, ka viivii ïa, e ka orei aia i ona kakau, e paî oki ki te vai, e ka viivii ïa e aiai ua atu.

28 Kia mā ra aia i tona maki ra, ka tatau aia i nga rā e itu nona, e i muri ake ka mā ïa aia.

29 E kia tae ki te po varu ra, ka rave ei aia i e rua kukupa, e kare ra, e puke punua rupe e rua, ka apai ei ki te taunga ra, ki te ngutupa Are uipaanga ra. 30 E na te taunga e apai i tetai ei tarangaara, e tetai ei atinga karakaratio; na te taunga e apai i tana tapokiangaara ki mua i te aroaro o Iehova, i taua maki ra i viivii ei aia.

31 E akapera korua i te tamariki a Iseraela, kia akataka ke ratou i to ratou mea viivii; kia kore ratou e mate i to ratou viivii, kia akaviivii ratou i toku puakapa i rotopu ia ratou ra.

32 Ko te ture teia no te tangata maki opî, e no te tangata opî taʼe ua, i tei viivii i te reira ra;

33 E no te vaine i makiia i tona akataka anga, no te tane e no te vaine katoa i tei makiia ra, e no te tangata i moe i vaitata i te vaine i viivii ra.