Salamo

113 ALELU Ia. Akapaapaa, e te au tavini o Iehova, e akapaapaa i te ingoa o Iehova. 2 Kia akapaapaaia te ingoa o Iehova, i teianei, e e tuatatau ua atu. 3 Mei te itinga mai o te rā e tae ua atu ki tona opunga, kia akapaapaaia te ingoa o Iehova. 4 E teitei to Iehova i to te pa enua ravarai, tona kakā i to te au rangi ra. 5 Koai tei tau ki to tatou Atua kia Iehova? ko tei noo i te ngai teitei. 6 Te tuku akaaka nei ra aia iaia uaorai i te akara anga mai ki raro, ki runga i te au rangi, e ki runga i te enua. 7 Te akateitei nei aia i te akaaka ra no raro mai i te one ra, kua akateitei i tei putaua no raro i te tiringa teita; 8 I te akanoo anga iaia i rotopu i te aronga mamaata ra, i rotopu i te aronga mamaata ra i tona uaorai iti-tangata. 9 Ko tei akanoo i te vaine pa i te ngutuare ra, ei metua vaine rekareka i tana ra au tamariki. Alelu Ia.