Hosea

3 KUA tuatua mairā Iehova iaku i reira, Ka aere rai, ka inangaro atu i te vaine i inangaroia e te oa, e akaturi rai, mei te inangaro o Iehova ki te au tamariki o Iseraela, ko tei akara ki te au atua ke ra, e tei kaki i te au kapu wina.

2 Kua oko atura au iaia naku, i te au ario okotai ngauru ma rima ra, e tetai omera kerite, e te afa omera kerite:

3 E kua karanga atura au kiaia, Ei ko nei koe iaku nei e kia manganui ua atu te au rā; auraka koe e akaturi, e auraka taau ei tane ke; e riro katoa oki au naau.

4 E noo oki te au tamariki a Iseraela, e manganui te rā, ma te ariki kore, e ma te tutara kore, e ma te atinga kore, e ma te tiki kore, e ma te tiputa kore, e ma te idolo kore:

5 E muri akera e oki mai te tamariki a Iseraela, ka kimi ei i to ratou Atua ia Iehova, e to ratou ariki ia Davida; e mataku oki ratou ia Iehova, e te meitaki nona, i te au rā openga ra.