2 Paraleipomeno

1 KUA akatinamouia mai te tamaiti a Davida ko Solomona i tona ra au; tei iaia rai tona Atua ko Iehova, e kua akamaata rava maira iaia.

2 Kua karanga aturā Solomona kia Iseraela katoatoa, ki te au rangatira no te au tausani, e no te au anere ra, e te au akava, e te au tutara, i Iseraela katoa ra, e aronga mataiapo tutara.

3 Kua aere iorā Solomona e te uipaanga katoa ki te ngai teitei i Gibeona; tei reira oki te Are uipaanga o te Atua i angaia e te tavini o Iehova ra e Mose i te medebara.

4 Kareka te aruna a te Atua kua apaiia mai ïa e Davida mei Kiriata-iearima, ki te ngai i akonoia e Davida no te reira; kua patia oki aia i tetai puakapa no te reira i Ierusalema.

5 E te atarau veo i angaia e Bezaleela, te tamaiti a Uri, te tamaiti a Hura, tei reira te vairanga ki mua i te puakapa o Iehova; e kua ui aturā Solomona e te uipaanga katoa i reira.

6 Kua aere atura oki a Solomona ki runga ki taua atarau veo ra i mua i te aroaro o Iehova, e vaoo i te Are uipaanga ra, e kua apai i te atinga karakaratio ki rungao okotai katoa tausani.

7 Kua mama maira te Atua kia Solomona i taua po ra, e kua tuatua maira kiaia, Ka pati mai i taku e oronga atu naau.

8 Kua karanga aturā Solomona ki te Atua, E takinga-meitaki maata taau i akakite mai ki toku metua kia Davida, e kua akariro koe iaku ei tupau iaia i te au nei.

9 E teianei, e te Atua e Iehova, kia akatinamouia taau i tuatua mai ki toku metua ra kia Davida: kua akariro oki koe iaku ei ariki ki rungao i te tangata nei e tau ki te one-pueu o te enua nei i te maata.

10 O mai ana i tenana i te pakari e te kite kiaku nei, kia aere au ki vao e kia oki mai ki roto ki mua i te aroaro o teianei aronga tangata: e tika oki iaai kia akava i teianei iti-tangata noou i te maata?

11 Kua tuatua maira te Atua kia Solomona, No te mea ko te inangaro ïa o toou ngakau, e kare akenei koe i pati mai i te apinga maata, te kakā, e te akangateitei, e to au enemi kia mate, e kare oki i pati mai e kia roa te aʼo; kua pati maira koe i te pakari e te kite noou uaorai, kia tika ia koe i te akava i toku nei au tangata, tei akaarikiia koe e au ei ariki ki rungao ra;

12 Kua orongaia te pakari e te kite kia koe ra; ka oronga atu oki au i te apinga maata, e te kakā, e te akangateitei, kare e aite to te au ariki i muao ia koe, kare katoa oki oou e aite a muri atu.

13 Kua oki iorā Solomona mei taua ngai teitei mai i Gibeona ra ki Ierusalema, mei mua mai i te are uipaanga ra, ariki iora aia ki runga ia Iseraela ra.

14 Kua akaputuputu iorā Solomona i te kariota e te au tangata akaoro oroenua ra: okotai tausani e a anere ona kariota, okotai ngauru ma rua i te tausani i te au tangata akaoro oroenua, ko tei akanooia e ia i roto i te au oire kariota ra, e i te ariki oki i Ierusalema.

15 Riro atura te ario e te auro i te ariki mei te toka ra i Ierusalema; e kua riro te arezi iaia mei te sukamino i te o rai, i te maata.

16 E aronga oroenua ta Solomona i apaiia mai mei Aiphiti maira, e na te urupu tangata oko o te ariki i rave i taua anana oroenua ra ma te akono i te oko mou ra.

17 Kua tiki mai ratou ki runga e kua apai mai i te kariota okotai mei Aiphiti mai, i te au sekela ario e ono anere; e te oroenua ra, okotai ïa anere e rima ngauru: e mei te reira katoa kia apaiia mai e ratou na te au ariki ngati Heta ra, e te au ariki i Arama ra.