Hosea

13 KA tuatuaʼi Epheraima ma te rurutakina, kua teitei aia i Iseraela i reira; iaia ra i rave i te ara i Baala, mate iora aia.

2 E tenana te akamaata ua maira ratou i te ara; kua anga i tetai aronga tiki akatoia ra, e no to ratou kite kua anga i te au idolo i ta ratou ario ra, e angaanga anake ïa na te aronga taunga: te tuatua ra ratou i te reira, Te aronga e apai atinga ra, e ongi ïa i te au punua puakatoro.

3 E teianei, e riro ratou mei te tumurangi popongi, e mei te au popongi, e peke ra, mei te ota e peke i te puaioio no runga i te ngai pāpā sitona, e mei te auai no roto i te rua auai ra.

4 Ko au ra toou Atua, ko Iehova, mei te enua maira mei Aiphiti, e kare oki oou Atua i kite mari ra ko au, kare atu oki e Ora mari ra ko au.

5 Kua kite au ia koe i te medebara, i te enua pukā maata ra.

6 Mei ta ratou one kai, ko to ratou ïa pangia anga; ki akera ratou, e teitei atura to ratou ngakau; i akangaropoinaʼi ratou iaku nei.

7 I riro ei au mei te liona ia ratou, mei te nemera i te arataa i tapapaʼi au ia ratou.

8 Kua aravei atu au ia ratou mei te daba i ngere i tana anaunga, e kua aeae au i te ekaeka o to ratou ngakau, ei reira ratou i pou roa atu ei iaku mei ta te liona ra: na te au puaka taae ratou i aeae.

9 E Iseraela e, kua mate koe ia koe uaorai, tei iaku nei ra te tauturu ia koe.

10 Teiea to ariki i tenana? kia akaora oki aia ia koe i toou katoa ra au oire; e toou ra aronga akava? taau i karanga ra e, O mai i tetai ariki noku e tetai aronga tutara.

11 Kua oronga atu oki au i tetai ariki noou i toku riri, e kua rave ke atu au iaia ma te riri rai.

12 Kua ruruia te kino o Epheraima; e kua vaoo marieia tana ara i te vairanga.

13 E rokoia aia e te mamae mei to te vaine anau ra: e tamaiti kite kore aia, i tavarevare ei aia i te anau anga.

14 E akaora au ia ratou i te mana o te vaarua ra; e oko atu au ia ratou mei te mate mai. E te mate e, teiea toou pou? E ade e, teiea toou mate? e ngaro te tataraara i oku nei mata.

15 Uua ua rai aia i roto i tona ra au taeake, e tupu mai tetai maoake, e arara mai te matangi a Iehova mei te medebara mai, e tana ra vai pupui, e marō ïa, e tana ra punavai, e tamarōia ïa: e kino iaia te apinga ra i te au āriki katoa inangaroia ra.

16 Ka tanea Samaria; no te mea kua meamea au aia ki tona ra Atua; e inga ratou i te koke; e akaungaungātitiia tana ra au kaiu, e ta ratou au vaine nui ra, e tuakiia ïa.