Levitiku

24 KUA tuatua mairā Iehova kia Mose, na ko maira,

2 E akaue koe i te tamariki a Iseraela, e apai mai ratou i te inu olive meitaki i reruia ra ei akamārama, kia vai marie te au lamepa i te ka anga.

3 Ki vao atu nei i te paruru i te aruna kite ra, i roto i te Are uipaanga ra, na Aarona e rave, mei te aiai mai e ao ua ake, ki mua i te aroaro o Iehova, auraka e tivata; ei akonoanga mou te reira e ope ua ake to kotou au uki ra. 4 E akapera aia i te rave i te au lamepa i taua vairanga lamepa auro meitaki ra, ki mua i te aroaro o Iehova, i te au rā katoa ra. 5 E rave oki koe i te faraoa pueu, ka tunu ei i nga areto okotai ngauru ma rua ra; kia rua omera i te areto okotai.

6 E naau e akapapa kia rua akapapaanga, taki ono i te akapapaanga okotai, ei runga i te kaingakai auro meitaki ra ki mua i te aroaro o Iehova. 7 E tuku oki koe i te tapou kakara meitaki ki rungao i nga akapapaanga areto ra, ei rungao i taua areto ra, ei manakoanga, ei atinga ai na Iehova. 8 Na te taunga e akapapa marie i te reira i te au sabati katoa ra, ki mua i te aroaro o Iehova, auraka e tukumoe, kia rauka mai i te rima o te tamariki a Iseraela; ei koreromotu mutu kore ïa. 9 Na Aarona, e na tana au tamariki, taua areto ra; na ratou e kai i roto i tetai ngai tapu: e mea tapu roa ïa oki te reira nana i te au atinga ai a Iehova, ei akonoanga vaoo tamouia ra. 10 Kua aere maira te tamaiti a tetai vaine ngati Iseraela, e metua tane Aiphiti te metua tane, i rotopu i te tamariki a Iseraela: kua kukumi iora taua tamaiti a te vaine ngati Iseraela ra, e tetai tangata Iseraela, i roto i te puakapa;

11 Kua akikino iora taua tamaiti a te vaine ngati Iseraela ra i te ingoa o Iehova, kua akakino iora. E kua arataki maira ratou iaia kia Mose ra: (ko Selomi te ingoa o tona metua vaine, e tamaine na Diberi, no te kopu o Dana ra:) 12 Kua tapeka iora ratou iaia, kia akakiteia mai ta Iehova tuatua kia ratou ra.

13 Kua tuatua mairā Iehova kia Mose, na ko maira,

14 Arataki mai ana iaia, i akakino ra, ki vao mai i te puakapa: e na te aronga ravarai i akarongo iaia, e tuku ratou i to ratou au rima ki runga i tona mimiti, e na te uipaanga katoa e peî iaia ki te toka. 15 E karanga atu koe ki te tamariki a Iseraela, e na ko atu, Ko tei akakino i tona Atua, ei runga iaia uaorai tana ara.

16 Kareka ko te akakino i te ingoa o Iehova, ka mate roa ïa; na te uipaanga katoa e peî iaia ki te toka: te tangata ke, e te tangata uenua katoa, kia akakino aia i te ingoa o Iehova, ka mate rava ïa. 17 E tei ta i te tangata ra, ka tamate ravaia ïa.

18 Kareka tei ta i te puaka ra, ka oko ïa; e puaka ra ei puaka ïa.

19 E kia ravekino atu tetai tangata ki tetai, e akapera katoaia mai aia mei tana katoa i rave ra;

20 E paruparu ra ei paruparu ïa, e mata ra ei mata ïa, e nio ra ei nio ïa, mei iaia i ravekino atu i tetai ra, kia akapera katoaia mai aia.

21 E tei ta i te puaka ra, e oko mai ïa aia; ko tei ta ra i te tangata ra, ka taia ïa.

22 Kia okotai rai a kotou utunga, i ta te tangata ke, e ta te tangata uenua: ko au ko to kotou Atua ra ko Iehova.

23 Kua karanga aturā Mose ki te tamariki a Iseraela, e arataki ratou i taua tangata, i akakino ra, ki vao mai i te puakapa, ka peî ei iaia ki te toka. Kua pera oki te tamariki a Iseraela i ta Iehova i akaue mai kia Mose ra.