2 Ariki

10 E itu nguru a Ahaba tamariki tamaroa i Samaria. Kua tata iorā Iehu i te leta, e kua akau atura ki Samaria, ki te au tutara o Iezereela, ki te aronga pakari, e te aronga i angai i te au tamariki a Ahaba, na ko atura,

2 Tae atura teianei tuatua kia kotou, e tei ko i o kotou te au tamariki a to kotou pu, e kariota oki tei ko na i o kotou na, e te oroenua, e te oire patuia, e te taoonga tamaki;

3 E kimi io na kotou i tei meitaki, e tei tau, i taua au tamariki a to kotou pu ra, ka tuku atu ei ki runga i te terono o tona metua, ka tamaki ei te tamaki i te ngutuare o to kotou pu.

4 Kua maata ra to ratou mataku, e kua tuatua akera, I na, toko rua oki ariki kare akera i mou ki mua iaia; ka tanga atu ia tatou nei ka mou ei?

5 E to rungao i taua ngutuare ra, e to runga oki i te oire, e te oronga pakari oki, e te aronga i angai i te au tamariki a Ahaba, kua tono akera i te karere kia Iehu, na ko maira, E tavini matou noou ra, e taau e tuatua mai kia matou nei, na matou ïa e rave; kare matou e akaariki ua atu i te tangata, naau ra e rave i tei tau i toou mata.

6 Kua tata akaou atura aia kia ratou, ko te rua ïa o te leta, karanga atura, Noku kotou na, e akarongo mai kotou i toku nei reo, e tipu ke atu kotou i te au mimiti o te au tamariki a to kotou pu, ka aere mai ei kiaku nei i Iezereela nei kia penei apopo. Tera oki taua au tamariki a te ariki e itu ngauru ra, tei te au tangata mamaata o te oire tei angai ia ratou.

7 E tae atura taua leta ra kia ratou, kua opu iora ratou i te au tamariki a te ariki, kua ta, e itu ngauru tangata, kua aao akera i te au mimiti ki roto i te āriki, e kua akau akera ki Iezereela kiaia ra.

8 Kua akakite maira kiaia, tuatua maira, Kua apai maira ratou i te au mimiti o te au tamariki a te ariki. Kua tuatua maira aia, E vaoo ua atu i te tomoanga ngutupa ra, kia rua putunga, e kia ao.

9 E ao akera, kua aere iora aia ki vao, kua tu ua iora, e kua karanga atura ki te au tangata katoa, E tuatua-tika ta kotou: i na, kua kotikoti kupenga oki au i toku ra pu e ta atura iaia: naai ra teia aronga katoa nei i ta?

10 Kia kite maira kotou i tenana, kare rava tetai vaʼi i te tuatua ta Iehova i tuatua i te ngutuare o Ahaba e topa ua atu ki raro i te one; kua rave oki a Iehova i tana i tuatua mai i tona tavini ra ia Elia.

11 Kua ta iorā Iehu i tei toe i te ngutuare o Ahaba i Iezereela, e te aronga mamaata katoa ra, e te au oa tumanava nona ra, e te au taunga nana, kare rava tetai i vaooia.

12 Kua tu akera aia ki runga, aere atura ki Samaria: kia tae ra ki te are pakoti anga i te arataa ra,

13 Kua aravei akerā Iehu i te au taeake o te ariki o Iuda o Ahazia, e kua karanga atura, Koai kotou? Kua tuatua maira ratou, E au taeake matou no Ahazia; e te aere nei matou ki raro e aroa i te au tamariki a te ariki, e te au tamariki a te ariki vaine.

14 Kua karanga atura aia, E opu ora ua ia ratou. Kua opu ora ua iora ratou, e kua ta ia ratou i te ruavai o te are pakoti anga, e a ngauru ma rua tangata: kare takiri tetai o ratou i vaooia.

15 E riro atura aia, kua kitea e iā Iehonadaba te tamaiti a Rekabi, ko tei aere mai e aravei iaia: kua aroa atura aia iaia, e kua karanga atura kiaia, Te tau ra ainei toou ra ngakau ki toku, mei toku nei ngakau e tau ki toou ra ngakau? Kua tuatua mairā Iehonadaba, Koia ïa. Koia tikai ra, o mai ana i to rima. Kua oronga maira oki aia i tona rima; e kua tuku maira aia iaia ki runga i te kariota.

16 Kua tuatua maira aia, E aere mai ana kia kite koe i toku nei maroiroi ia Iehova. Kua akanoo iora ratou iaia ki runga i te kariota.

17 E tae atura aia ki Samaria, kua ta iora aia i ta Ahaba i toe i Samaria, e tairipoti rava akera aia iaia, i te tuatua oki ta Iehova i tuatua mai kia Elia ra.

18 Kua akaputuputu iorā Iehu i te tangata ravarai, e kua karanga atura kia ratou, Kua akamori itiiti a Ahaba ia Baala, e maata atura to Iehu akamori anga iaia.

19 E tenana, e tiki i te au peroveta katoa a Baala kiaku nei, te au tavini katoa nona, e te au taunga katoa nana; auraka rava kia toe: e atinga maata oki taku na Baala; e ko tei toe ra, kare ïa e ora. E pikikaa ra ta Iehu, kia pou takiri te aronga i araara ia Baala iaia.

20 Kua tuatua akerā Iehu, E tutu ana, ei uruoaanga tapu ta Baala. Kua tutu akera oki ratou.

21 Kua tono akerā Iehu e pini ua ake Iseraela katoa; e kua ope takiri rava maira te aronga i araara ia Baala, kare rava e tangata toe i te tae mai. Kua aere maira oki ratou ki roto i te are o Baala, ki rava akera te are o Baala, mei tetai tara e tae ua atura ki tetai tara.

22 Kua karanga tura aia ki te tiaki i te pia kakau, E apai mai i te kakau no te aronga katoa e araara ia Baala. Kua apai maira aia i te kakau no ratou.

23 Kua aere iorā Iehu, e ko Iehonadaba te tamaiti a Rekabi, ki roto i te are o Baala, e kua karanga atura ki te aronga araara ia Baala, E kimi e akara kia kitea e, kare i ko nei i o kotou nei tetai tavini no Iehova, mari ra ko te aronga araara ia Baala anake ra.

24 E kia aere ratou ki roto e apai i te atinga, e te atinga karakaratio, kua akonoia e Iehu te au tangata e a takau ki vao, e kua karanga atura, Kia ora tetai o te au tangata taku e apai mai ki roto i to kotou rima, ko te tuku iaia, koia uaorai te tutaki i taua tangata ra.

25 E oti akera taua atinga karakaratio ra i te apaiia, kua karanga aturā Iehu ki te aronga toa e te au rangatira, E aere ki roto, ka ta ia ratou, auraka rava tetai kia tae mai ki vao. Kua ta iora ratou ia ratou ki te mata koke; e kua titiri mai te au toa e te au rangatira ia ratou ki vao, e kua tomo atura ratou ki roto i te oire i te are o Baala.

26 E kua apai maira ratou i te au tiki no roto i te are o Baala, e kua tutungi i te reira ki te ai.

27 E kua akangaangaa iora ratou i te tiki no Baala, e akariroia atura ei tiringa teita e tae rava akenei ki teianei rā.

28 Pou rava akera Baala i Iseraela ia Iehu.

29 I te ara ra a Ieroboama te tamaiti a Nebata ra i ara ia Iseraela, ko nga punua puakatoro auro i Betela e i Dana, kare ïa te reira e akarukeia e Iehu ra.

30 Kua tuatua mairā Iehova kia Iehu, No te mea e mea meitaki taau i te rave anga i te mea tika ki mua i toku mata nei, e kua rave koe i te ngutuare o Ahaba i tei tau i toku ngakau nei, e tae ua atu ki te a o te uki ra ka noo ei taau ra tamariki ki runga i te terono o Iseraela nei.

31 Kare akerā Iehu i akono kia aere mei tei tau ki te ture a te Atua o Iseraela a Iehova ma tona ngakau katoa: kare oki aia i akaruke i te ara a Ieroboama i ara ai Iseraela ra.

32 I te reira au rā ra to Iehova akamata anga i te tipu ke i nga matamata ia Iseraela: kua taia oki ratou e Hazaela i te au tapere katoa i Iseraela:

33 Mei Ioridana mai i te itinga o te rā ra; te enua katoa ra ko Gileada, ko te ngati Gada, e te ngati Manase, mei Aroera, i te pae o te kauvai ra ko Aranona, e tae ua atu ki Gileada e Basana.

34 E te toenga o te tuatua ia Iehu, e te au mea katoa tana i rave ra, e tona ra maroiroi katoa, kare ainei kua tataia ki roto i te buka, te tuatua no te au rā o te au ariki o Iseraela?

35 Moe iorā Iehu ki o tona ra ai metua; kua tanu iora ratou iaia i Samaria. Tupauia akera aia i te au e tana tamaiti ra e Iehoahaza.

36 E to Iehu ra au rā i te ariki anga ki runga ia Iseraela i Samaria, okotai takau ma varu ïa mataiti.