Salamo

3 E IEHOVA e, kua maata toku au enemi! e manganui tei tu mai ki runga e māro mai iaku!

2 E manganui tei tuatua iaku nei, Kare roa ona e ora i te Atua. Sela.

3 Kareka koe, e Iehova, e paruru koe noku e pini ua ake; ko toku kakā, e naau toku mimiti i akateitei.

4 Te kapiki nei toku reo kia Iehova, e te akarongo maira aia iaku i tona maunga tapu ra. Sela.

5 Kua akāvai au ki raro, e kua moe; e itirere akera oki au, na Iehova oki au i tauturu mai.

6 Kare au e mataku i te tangata e kia ngauru ua atu te tausani, ko tei akapini a enemi mai iaku e pini ua ake.

7 Ka tu, e Iehova; kia ora au, e taku Atua: kua taia e koe te tanga o toku au enemi katoa, kua aatiia e koe te nio o te aronga akono kore i te Atua ra.

8 No ko mai te ora ia Iehova ra: te vai ra toou ra meitaki ki runga i toou uaorai ra iti-tangata. Sela.