Uipaanga Mataiti—Okotopa 6, 1990
TE UIPAANGA MATAITI a te au mema o te Watch Tower Bible and Tract Society of Pennsylvania (Totaiete Punanga Tiaki Anga Puka Tapu e te Pepa Akonoanga o Pennsylvania), ka raveia ia Okotopa 6, 1990, ki te Are Uipaanga Akaputuputuanga o te au Kite o Iehova, 2932 Kennedy Boulevard, Jersey City, i New Jersey. Ka raveia tetai uipaanga akamata anga no te au mema ua i te 9:30 i te popongi, aru mai i reira te uipaanga mataiti tikai i te ora 10:00 i te popongi.
Kia akakite te au mema o te Pupu Taokotaianga ki te Opati Tekeretere i teianei i tetai ua atu taui anga i to ratou ngai nooanga no te mere i te mataiti i topa akenei kia tae te au reta akakiteanga putuputu e te au pepa o te aronga tei tikaia ei komono, kia ratou i muri poto ua ake ia Aukute 15.
Kia akaokiia mai te au pepa o te aronga tei tikaia ei komono e te au akakiteanga o te uipaanga mataiti tei tukuia ki te au mema, ki te Opati o te Tekeretere o te Totaiete eiaa i muri ake ia Tepetema 1. Kia akaoti pouroa te au mema tatakitai e te akaoki viviki mai i tana au pepa o te aronga tei tikaia ei komono, te akakite anga e me ka tae mai tikai aia ki te uipaanga e me kare. Kia papu te akakiteanga tuatua ka orongaia mai no teia mea i runga i te au pepa tatakitai o te aronga tei tikaia ei komono, i te mea e ka irinakiia, te tamanako anga e koai tikai te ka tae mai.
Kua tamanakoia e ka akaoti te raveanga katoa, kapiti mai rai te uipaanga angaanga tau e te au ripoti, i te 1:00 i te avatea aiai me kore i muri poto ua ake i te reira. Kare e raveanga i te avatea. No te rava kore o te ngai, ka ta tiketi uaia te aronga ka tae mai. Kare e au akanooanga e raveia no te tuku i te uipaanga mataiti na roto i te au raini tereponi ki tetai atu au ngai.