“Ana no te Aronga Keia” i Teia Tuatau
I ROTO i te makatini Natural History, kua akakite te tangata kite i te apiianga i te tu o te tangata ko Colin Turnbull i tana au kiteanga ei tangata turoto ki Ierusalema. Kua tuatua aia e kua “takino vivikiia” te “vaerua Keritimeti” tana i akamata i te akatupu i tona kiteanga i te au toa o te oire “kua ki i te au apinga puapinga kore e okoia ra i te moni kare e marikonga, ki te aronga e okooko ra no te Keritimeti (aronga turoto), te akaraanga kua oia e tetai anoano pakari no te oko.”
Kua tuatua a Turnbull i tona “vaerua Keritimeti”: “[Kua] apai keia atu i te ngai okotai taku i manako penei ka akaokiia mai [te reira]—ko te mato o te Holy Sepulcher.” (Akaraanga o roto ka kiteaia i runga ake.) I reira, kua riro te tu akono o te au taeake turoto “te akaraanga kua akaari i te tu akangateitei kore tikai no tei tapu ra” ei akamaroiroi kore iaia ia ratou e “oparapara ra e te tutuki ra ma te tu Kerititiano kore tikai, te taangaanga anga i to ratou pakuivi e te poo rima no te maro i to ratou ara na roto i te ngutupa oiti ua ki te sepulcher. I tetai au atianga ka tupu tetai kukumi anga meangiti, tei aru mai te tuatua tao e te au akatutu anga kare i te au mea tapu.”
Kua tuatua a Turnbull e kare te au orometua akaaere i “akaoki i tetai akaraanga no te akatapuanga” mari ra kua “apai ke i tetai ua atu tu tapu na te akatupu anga i te akaraanga o te tu akono rikarika.” Kua akakite aia no “tetai tangata e rakei paraoni tona, ma te koukouia ki te pare, mei te Rasputin rai” tei “opara maro ra i te aronga turoto noa ua nei ki muri mei te ngutupa o te sepulcher i te au taime katoatoa ka kiteaia mai tetai pupu tutaki maata, ko te aronga turoto e kanara ta ratou (kapikiia e au tuitarere) tei aratakiia e tetai akaou Rasputin.” I tuatuaʼi te tangata apiipii kua tupu te “makitakita i rotopu i te aronga kare a ratou kanara e te aronga e kanara ta ratou, pera katoa i rotopu i te au orometua tukeke, i te mea e maata te au manuia anga o te au akonoanga kare e au ana te tarere ra no te tuatau e te ngai.”
Te tangata kite ra ko Turnbull e tona taeake, “e nga mea iati ua rai aia te mamao i muri i te ngai tapu, i runga i nga rima e te turi, tei uuna apaia ki roto i tetai puta i roto i te paruru.” Kua tuatua a Turnbull: “Iaku e akara ra, kua aere mai tona rima katau ki vao e kua mou kitea kore ua i te moni i roto i tona pute, inara kua vai rai tetai rima ki roto, ma te itae ra e kua mou. I te oronga anga aia i te moni ki roto i te puta, kua matara mai tona rima e kua tu mai toku taeake ki runga . . . I roto i tona rima kaui te mou ra aia i tetai rakau koroti meangitika ua, kua mau te reira, tei pipiia ki te vai tapu e te orometua tei iaia te reira tika anga e kua tuturi uuna uaia i roto i tetai ana meangiti, te tiaki anga i tana maunu.”
Kua kite a Iesu Mesia i teia tu mei teia i te au tangata mana i te iero, e kua akakite aia kia ratou e te akariro ra ratou i te reira ei “ana no te aronga keia.” (Luka 19:45, 46) E tikai, i to tatou tuatau, te reira ‘au ana no te aronga keia’ kare te reira i kotinga uaia ki Ierusalema.
[Akameitakianga no te Tutu i te kapi 25]
Pictorial Archive (Near Eastern History) Est.