Eaa ta te Pipiria e Akakite Ra?

E ingoa ainei to te Atua?

KARANGA TE TANGATA E kare ona ingoa, karanga tetai pae ko te Atua me kore ko te Atu e te karanga ra tetai pae e maata ua atu tona ingoa. Eaa toou manako?

AKAKITE RA TE PIPIRIA E

“Kia kite ratou e, ko Iehova toou ingoa, e ko koe anake Tei Teitei i te enua katoa nei.”​—Salamo 83:18.

EAA ATU TA TATOU KA APII MEI TE PIPIRIA?

• Noatu e maata to te Atua au taoonga, okotai rai ona ingoa.​—Exodo 3:15.

• Kare te Atua i te mea kitea koreia; te inangaro ra aia kia kite tatou iaia.​—Angaanga 17:27.

• Te kite anga i te ingoa o te Atua, ko te takainga mua teia ka rauka tetai pirianga taeake tikai kiaia.​—Iakobo 4:8.

E tarevake ainei te taiku i te ingoa o te Atua?

EAA TAAU KA TUATUA?

• Ae

• Kare

• Tei runga ua ia koe

AKAKITE RA TE PIPIRIA E

“Auraka koe e akaiki puapinga kore ua i te ingoa o to Atua ra ko Iehova.” (Exodo 20:7) E tarevake me taangaangaia te ingoa o te Atua ma te ngateitei kore.​—Ieremia 29:9.

EAA ATU TA TATOU KA APII MEI TE PIPIRIA?

• Kua kite e kua taangaanga a Iesu i te ingoa o te Atua.​—Ioane 17:25, 26.

• Te pati nei te Atua ia tatou kia taiku i tona ingoa.​—Salamo 105:1.

• Ka tauta te au enemi o te Atua kia akangaropoina te tangata i tona ingoa.​—Ieremia 23:27.