ORAANGA KERITITIANO

Taangaanga Meitaki i te au Puka Pipiria

Kua apii a Iesu e: “E mea o mai ua to kotou, e oronga ua atu oki kotou.” (Mata. 10:8) Te rave nei tatou i teia akaueanga na te oronga anga i te au Pipiria e te au puka Pipiria ki te tangata kare e tutaki. (2 Kori. 2:17) Tei roto i teia au puka te au tuatua mou puapinga rava atu tei kiteaia i roto i te Pipiria. E maata te moni tei akapouia no te nenei e te tuku anga i teia au puka ki te au putuputuanga takapini i teianei ao. No reira, e apai ua tatou i te ka anoanoia.

E akamanako meitaki me oronga i teia au puka i roto i ta tatou angaanga tutu aere. (Mata. 7:6) Auraka e oronga ua i te au puka ki tetai ua atu tangata, inara e tauta i te tuatua atu kia ratou kia kite i to ratou manako. Te āriki ainei koe i tetai o te au uianga i roto i te pia? Me kare e rauka ia koe i te kite i tona manako, e mea meitaki kia oronga ua i tetai aenga pepa. Me ka pati mai ra aia i tetai Punanga Tiaki me kore tetai ua atu puka, ka rekareka tatou i te oronga atu i te reira kiaia.—Mase. 3:27, 28.

[Pia i te kapi 4]

TE INANGARO AINEI AIA I TE . . .

• akarongo mai me tuatua tatou?

• piri mai ki te uriurianga?

• tatau i te puka?

• oronga mai i tetai moni tauturu?

• āriki i te au mea tana e akarongo ra mei te Tuatua a te Atua?