Akamaata Atu i to Tatou Karape i te Tutu Aere​—Apii i te Aronga Apii Pipiria Akapeea me Akapapa

TUMU I PUAPINGA AI: Me akapapa ratou, ka mama ia ratou i te mārama e te akamaara i ta tatou e apii ra ia ratou. Me pera ratou, ka maata atu to ratou inangaro i te apii i te Pipiria. Me oti ratou i te papetito, ka anoanoia rai ratou kia akapapa no te au uipaanga e te angaanga orometua kia vai “matakite” ratou. (Mata. 25:13) No reira, me kite ratou eaa te raveia ana i roto i tetai apii e me rave putuputu i te reira ka riro ei tauturu ia ratou. Me akamata tatou i tetai apii Pipiria, kia tauturu tatou ia ratou kia akapapa ua rai.

PEEA ME RAVE I TE REIRA:

• 

  Kia riro koe ei akaraanga meitaki. (Roma 2:21) Akapapa no taau apii ma te akamanako i te turanga o taau tangata apii. (km 11/15 3) Akaari kiaia e kua akapapa koe i taau puka

• 

  Akamaroiroi iaia kia akapapa katoa. Me akamataia tetai apii, akakite kiaia e tuanga te akapapa i roto i te akanoonooanga no tetai apii Pipiria, e kia akakite i te puapinga ka rauka iaia. Oronga i tetai au manako tauturu kia rauka iaia te akanoo i tetai tuatau no te akapapa i tana puka. Tetai au taeake ka oronga ratou i ta ratou puka i akapapa ai ki te aronga apii ei akaari kia ratou i te puapinga o te akapapa. Kia akameitaki katoa iaia me akapapa aia i tana puka

• Akaari kiaia akapeea me akapapa. Penei, ta tetai au taeake ka taangaanga ratou i te tuatau apii ei akaari ki tana tangata apii akapeea me akapapa no ta raua apii