Paruru i Toou Oraanga Akaipoipo

Akaperepere a Iehova i te au taputou no te akaipoipo e te anoano ra aia i te tane e te vaine kia piri vaitata. (Mata. 19:5, 6) Te vaira te au akaipoipo meitaki i roto i te iti tangata o te Atua. Inara ka tupu rai te kino ki tetai akaipoipo. Ka tupu te manamanata. Eiaa ra e manako me tupu te manamanata, ka meitaki ua i te akatakake e te tatara. Akapeea te au Kerititiano me paruru i to ratou oraanga akaipoipo?

Akamanako i teia au takainga e rima.

1. Paruru i toou ngakau na te kopae anga i teia au peu mei te akameamea e te akarakara i te au teata ainga tau kore, te ka akaparuparu i te oraanga akaipoipo.​—Mata. 5:28; 2 Pete. 2:14.

2. Akamatutu i toou pirianga oa ki te Atua, e akamareka iaia i roto i toou akaipoipo.​—Sala. 97:10.

3. E akatangata ou, e rave i te au mea rikiriki no te akarekareka i toou tokorua.​—Kolo. 3:8-10, 12-14.

4. E karangaranga ma te tu ngateitei e te puapinga.​—Kolo. 4:6.

5. E o atu i te meitaki ki toou tokorua ma te inangaro e te aroa.​—1 Kori. 7:3, 4; 10:24.

Me akangateitei te au Kerititiano i te akaipoipo, te akangateitei ra ratou i Tei Akamata i te akaipoipo, ko Iehova.

AKARA I TE VITIO KA “ORO TAMOU MARIE” TATOU​—ARU I TE TURE O TE ORO ANGA, E OTI E PAU I TEIA AU UIANGA:

• 

  Noatu ka meitaki te akamataanga o te oraanga akaipoipo, eaa te au manamanata ka tupu mai?

• 

  Akapeea te kaveinga Pipiria me tauturu i te aronga kare te inangaro i roto i te akaipoipo?

• 

  Eaa te au ture ta Iehova i akanoo i roto i te akaipoipo?

• Kia autu te akaipoipo, eaa tei anoanoia mei te nga tokorua?