TUANGA 2

Te Vaipuke ki te Akaoraanga mei Aiphiti

E varu rai tangata i ora mai mei te Vaipuke, inara i te taime i aereia kua maata mai ratou ki te au tauatini. I reira, e 352 mataiti i muri ake i te Vaipuke, kua anauia a Aberahama. Ka kite tatou e akapeea te Atua i te akono anga i tana taputou, na te oronga anga kia Aberahama i tetai tamaiti, ko Isaaka te ingoa. I reira, i te nga tamariki e rua a Isaaka, kua iki te Atua ia Iakoba.

E pamiri maata to Iakoba, e 12 tamariki tamaroa e tetai au tamariki tamaine. E riri ana te au tamariki tamaroa e 10 a Iakoba i to ratou teina ko Iosepha, e kua oko atu iaia ei tuikaa i Aiphiti. Muri mai, kua riro a Iosepha ei tutara puapinga no Aiphiti. Te tupu anga tetai onge kino, kua timata a Iosepha i tona au tuakana kia kite, me kua taui to ratou ngakau. Te openga, kua neke atu te pamiri o Iakoba, te ngati Iseraela ki Aiphiti. Kua tupu teia e 290 mataiti i muri ake i te anau anga o Aberahama.

No te 215 mataiti tei aru mai, kua noo te ngati Iseraela ki Aiphiti. Muri ake i te matenga o Iosepha, kua riro ratou ei au tuikaa i reira. I te tuatau i aereia, kua anau a Mose, e kua taangaanga te Atua iaia ei akaora i te ngati Iseraela mei Aiphiti. Te katoaanga, e 857 mataiti te roa o te tuatua enua i roto i te Tuanga RUA.