AKAMATA I TETAI PUKAPUKA ANGA
APII 6
Mataku Kore
Kaveinga: ‘Kua tuatua iora ratou i te tuatua a te Atua ma te mataku kore.’—Anga. 4:31.
Ta Iesu i Rave
1. Akara i te VITIO, me kore e tatau ia Luka 19:1-7. E oti akamanako i te au uianga:
a. Eaa te tumu kare tetai aronga i reka ana ia Zakaio?
e. Inara, eaa a Iesu i akakite atu ei i te nuti meitaki kiaia?
Eaa te Apiianga Mei ia Iesu?
2. Ka anoanoia te tu mataku kore kia tutu aere i te Patireia ki tetai ua atu tangata.
Aru ia Iesu
3. Irinaki kia Iehova. Kua tauturu te mana ririnui o Iehova ia Iesu kia tutu aere, e ka tauturu katoa ia koe. (Mata. 10:19, 20; Luka 4:18) E pati kia Iehova no te tu mataku kore kia tutu aere ki te aronga taau e mataku ra.—Anga. 4:29.
4. Auraka e iriiri tangata. Penei ka emiemi tatou i te tuatua ki tetai aronga no to ratou akaraanga, te turanga teitei e te moni, te tu o te oraanga me kore ta ratou irinakianga. Inara e akamaara:
a. Kua kite a Iehova e Iesu i te ngakau o te tangata; kare ra tatou i kite.
e. Eiaa tatou e manako e kare rava a Iehova e tauturu i tetai ke.
5. Kia mataku kore inara kia akangateitei e te matakite. (Mata. 10:16) Auraka e taumaro atu. Me kite koe e kare aia e akarongo mai ki te nuti meitaki me kore te mataku ra koe, akaoti i taau tuatua ma te tu akangateitei.—Mase. 17:14.