Te Maara Ainei ia Koe?

Kua ariki ainei koe i te tatauanga i te au itiu i ou akenei o Te Punanga Tiaki? Ka akara ana me ka rauka ia koe i te pau i te au uianga te ka aru mai:

• Kua tauturu atu te Federal Constitutional Court i Tiamani i teea autu anga i te pae ture no te akonoanga?

Kua takauri te akavaanga i te tuku anga tika papu kore a tetai akavaanga no te Au Kite o Iehova e to ratou kitea anga i te pae ture ei taokotai anga tei manaia e te ture. Kua akakite te akavaanga autu e i roto i te turanga rangatira akonoanga penei ka ‘akarongo [maata] tetai i te au irinaki anga akarongo’ e i te au maro anga a te Au-Enua.​—8/15, kapi 8.

• Mei teaa te roa o te tuatau i mamae ei a Iobu?

Kare te puka o Iobu i akakite mai ana e kua mamae aia no tetai au tuatau e manganui. Penei kua tupu te mamae anga o Iobu e to te reira rapakau anga i roto ua i nga mea marama, penei kua meangiti mai i te okotai mataiti.​—8/15, kapi 31.

• Eaa tatou ka papu ei e e maata atu te Tiaporo i te manako mataku tau kore?

Kua kite oki a Iesu Karaiti e tika tikai te Tiaporo. Kua timataia a Iesu e tetai peretana tika tikai, kare i tetai apinga kino i roto iaia uaorai. (Mataio 4:​1-11; Ioane 8:44; 14:30; )​—9/1, kapi 5-6.

• Te karanga ra a Maseli 10:15 e: “Te apinga a te tangata taoiau ra, ko tona ïa oire matutu: ko te mate ra o te aronga ao ra, ko to ratou ïa putaua.” Mei teaa te tika i teia?

Ka riro te au apinganui ei paruru anga mei te au tuatau papu kore i roto i te oraanga, mei tetai taoni paruruia i te oronga anga mai i te turanga tinamou no te aronga e noo ra i roto i te reira. I tetai tua, ka riro te putaua ei mea kino me tupu mai te au taui anga kare i tapapaia ana​—9/15, kapi 24.

• Na roto i teea tu “to te tangata tapa angaia i te ingoa no Iehova” i to Enosa tuatau? (Genese 4:26)

Kua taangaangaia to te Atua ingoa mei te akamata anga mai o te tuatua enua o te tangata; no reira, ko tei akamata mai i to Enosa tuatau kare ia i te kapikianga ia Iehova ma te akarongo. Penei kua akaviivii te tangata i to te Atua ingoa kia ratou uaorai me kare ki tetai atu na roto i te reira te akamori tapikipiki ra ratou i te Atua.​—9/15, kapi 29.

• Tei taangaangaia i roto i te Pipiria, eaa te aite anga o te tuatua “ako”?

Kare te aite anga o taua tuatua e te akono ra i te takinokino me kare te tamamae anga. (Maseli 4:13; 22:15) Te tuatua Ereni no te “ako” te piri maata atura ki te ikuiku anga, apiipii anga, te akatikatika anga e, i tetai taime ki te papa aroaanga ma te ngaueue kore. Ko tetai mataara ka rauka i nga metua i te aru ia Iehova koia oki na te eeu tamou anga i te au mataara no te komunikeiti anga ma ta raua tamariki. (Ebera 12:​7-10)​—10/1, kapi 8, 10.

• Akapeea te au Kerititiano mou o teia tuatau i te akaari anga e te inangaro ra ratou i te tutara anga a te Atua?

I te akakitekite anga i te Patireia o te Atua, kare te Au Kite o Iehova e piri atu ki roto i te au poritiki me kare te meameaau anga, pera i roto i te au enua te araiia ra te Au Kite. (Tito 3:1) Te rave ra ratou i te au tauturu anga papu mei ta Iesu e tana au pipi mua i rave e te tauta ra no te tauturu i te tangata kia akono i te au puapinga tau meitaki o te Pipiria, mei te tu tika, te tu akono ma tikai, e tetai kaveinga no te angaanga meitaki.​—10/15, kapi 6.

• Akapeea te au vai ora i te tae ua anga i te Andes?

Te rave ra te Au Kite o Iehova i reira i te tauta anga no te apai atu i te tuatua mou Pipiria ki te tangata, e i roto i nga reo i reira, te Quechua e te Aymara. Te atoro ra te Au Kite i te au tangata e noo ra i runga i te au airani i runga i te Kauvai Titicaca, kapiti mai i te airani “papanu” te au papaanga kua maaniia mai mei te au raupo e tupu ra i roto i te kauvai.​—10/15, kapi 8-10.

• Eaa ta te Atua i oronga mai ei arataki ia tatou te ka akaaiteia ki te akapapaanga arataki anga komopiuta i runga i te pairere patete o teia tuatau?

Kua akapapa te Atua i te au tangata ravarai ma te tu ka rauka te arataki anga i te pae akono tau, tetai tu akono i roto roa. Ko to tatou akava ngakau teia tei akatuangaia mai. (Roma 2:​14, 15)​—11/1, kapi 3-4.

• Eaa ra i puapinga maata ei te matenga o Iesu?

I te ara anga te tangata apa kore ko Adamu, kua ngere aia i tona oraanga tangata e no tana au uanga. (Roma 5:12) Ei tangata apa kore, kua akaatinga a Iesu i tona oraanga tangata, te orongaanga mai i te oko tei akariro e kia rauka i te au tangata tiratiratu te ora mutu kore.​—11/15, kapi 5-6.

• Koai ma te au Sekuti tei taikuia ia Kolosa 3:11?

E iti tangata ori aere ua te au Sekuti e noo ra i runga i te enua maro o Eurasia, te tutara anga mei te 700 ki te 300 M.T.N. E au tumu toa e te aronga akaoro oroenua umereia ratou. Penei te taiku ra, a Kolosa 3:11 kare i tetai pa enua, mari ra i tetai iti tangata kino roa tikai.​—11/15, kapi 24-5.

• Eaa tatou ka tuatuai e e apiianga te Ture Auro te tau ra kia akara tamouia e tatou?

Ko teia apiianga maata te apiiia ra i roto i te Akonoanga Iuda, Akonoanga Buddha, e te kite Ereni, e te apiianga a Confucius. Inara, ko ta Iesu i akakite i te Tuatua i te Maunga te umuumu ra i te au angaanga papu, e te akakeu ra i te oraanga o te tangata i te au ngai ravarai e i roto i te au tuatau tuke tuke. (Mataio 7:12)​—12/1, kapi 3.