PAUIA TE AU UIANGA PIPIRIA

Noea mai te Tiaporo?

Kare na te Atua i anga mai i te Tiaporo. Mari ra, kua anga mai te Atua i te angera tei riro mai e ko te Tiaporo, tei kitea katoaia e ko Satani. Kua akakite mai a Iesu e i tetai tuatau kua kite ana te Tiaporo i te tuatua mou e e tu apa kore tona. I te akamataanga, e tamaiti angera tuatua tika te Tiaporo na te Atua.​—E tatau ia Ioane 8:44.

Akapeea tetai angera te riro mai anga ko te Tiaporo?

Kua iki te angera tei riro mai e ko te Tiaporo i te patoi i te Atua e kua akakeu i te nga tangata mua kia aru iaia. No reira, kua akariro aia iaia uaorai ko Satani, te aiteanga ko “Tei Patoi.”​—E tatau ia Genese 3:1-5; Apokalupo 12:9.

Mei te katoaanga o te au mea kite ta te Atua i anga mai, kua akatikaia te angera tei riro mai e ko te Tiaporo kia iki i te rave i te mea tika e te tarevake, inara kua akatupu aia i te inangaro kia akamoriia aia. E maata atu tona inangaro no te tu kaka i to te akamareka anga i te Atua.​—E tatau ia Mataio 4:8, 9; Iakobo 1:13, 14.

Akapeea te Tiaporo te akakeu anga i te au tangata? Ka mataku ainei koe iaia? Ka kite mai koe i te au pauanga o teia au uianga i roto i te Pipiria.